Azərbaycan-Slavyan Gəncləri Assosiasiyası regional görüşlər keçirir

Bugün Azərbaycan-Slavyan Gəncləri Assosiasiyası (ASGA) region təşkilatları ilə əməkdaşlığı çərçivəsində növbəti görüşünü keçirib.

Gəncədə baş tutan görüşdə ASGA Turak İnkişaf Mərkəzinin və Bilik Körpüsü Hazırlıq və repetitorlar mərkəznin İdarə heyəti ilə görüşüb.

Görüşdə çıxış edən ASGA-nın sədri Səbuhi Abbasov paytaxta fəaliyyət göstərən QHT-lərin region təşkilatları ilə əməkdaşlıq müqavilələrinin bağlanmasının, birgə fəaliyyətinin zəruri olduğunu qeyd etdi: “Regionlarımızın sosial-iqtisadi inkişafına xüsusi əhəmiyyət verilir. Bu baxımdan paytaxtda fəaliyyət göstərən bir çox nüfuzlu QHT-lər region təşkilatlarına dəstək olmalı, birgə layihələr reallaşdırmalıdırlar”. Daha sonra ASGA haqqında geniş məlumat verən S.Abbasov Gəncədə fəaliyyət göstərən təşkilatlarla əməkdaşlığa maraqlı olduğunu dedi.

Daha sonra Bilik Körpüsü Hazırlıq və repetitorlar mərkəznin direktoru Hökümran Qocayev çıxış edərək təmsil etdiyi təşkilat barədə məlumat verdi. Mərkəzin onlarla sağlam, vətənpərvər gənc yetişdirdiyini deyən H.Qocayev ASGA ilə əməkdaşlıqdan məmnun olduğunu dedi.

Daha sonra Turan İnkişaf Mərkəzinin direktoru Teymur Əliyev çıxış edərək mərkəzin fəaliyyəti, həyata keçirdiyi layihələr və gələcək planlar haqqında danışdı.

Sonda ASGA üzvləri hər iki mərkəzin texniki imkanları ilə tanış edildi və əməkdaşlığın mümkün imkanları müzakirə edildi. (xeber1.az)

Ölkə.Az