Məhkəmədən şok qərar: fırıldaqçıya 13 min 275 il həbs cəzası verildi
Taylandda məhkəmə fırıldaqçıya 13 min 275 il həbs cəzası verib.
Ölkə.Az Qaynarinfo.az-a istinadən xəbər verir ki, Taylandda Pudit Kittithradilok adlı şəxs müxtəliv investorları aldatdığı üçün həbs edilib.
34 yaşlı fırıldaqçı ölkəsində təşkil etdiyi müxtəlif seminarlarda gözəllik məhsulları, avtomobillər və bir çox başqa məhsulların çox yüksək mənfəət gətirəcəyini iddia edərək minlərlə investoru aldadıb. Araşdırmalar zamanı bu ilin avqust ayında 40 mindən çox insanın aldanaraq onun offşor şirkətinə 160 milyon dollar sərmayə qoyduğu üzə çıxıb.
Qanunsuz borc götürəmə və 2643 saxtakarlıq faktı ilə təqsirləndirilən şəxs məhkəmədə törətdiyi əməlləri etiraf etdiyi üçün hakim onun cəzasına 6637 il endirim edib.
Onun hər cinayətə görə azı 10 il həbs cəzası aldığı bildirilib.
