Rusiyada həbsdə olan avtoritetlər Azərbaycana ekstradisiya ediləcək

"Ölkə.Az" xəbər verir ki, söhbət Ruslan və Dadaş Nəzərli qardaşlarından gedir. Ruslan kriminal aləmdə "Bərdəli Ruslan", Dadaş isə "Bərdəli Dadaş" kimi tanınır. Kaluqa həbsxanasında cəza çəkən qardaşlar üçün Azərbaycan dövləti Rusiyaya sorğu göndərib. Sorğuya cavab olaraq iki dövlət arasında razılaşma əldə edilib və onlar yaxın günlərdə Azərbaycana ekstradisiya ediləcəklər.

Ruslan Nəzərli və Kaluqa şəhər məhkəməsinin qərarı ilə Rusiya Cinayət Məcəlləsinin 318-ci (dövlət məmuruna qarşı zorakılıq), 209-ci (Qanunvericiliklə nəzərdə tutulmayan silahlı birləşmələri və ya qrupları yaratma) və 163-cü yəni (quldurluq) maddəsinin bir neçə bəndi ilə təqsirli bilinərək 10,5 il azadlıqdan məhrum edilib. Dadaş Nəzərli həmin maddələrlə təqsirli bilinərək 11,5 il müddətinə azadlıqdan məhrum edilib.
 
Onu da qeyd edək ki, Ruslan Dadaş qardaşları azərbaycanlı kriminal aləm nümayəndələri tərəfindən qəbul edilən avtoritetlərdir. Onlar mərhum qanuni oğru Rövşən Lənkəranskiyə yaxınlığı ilə seçilib. 

Hikmət Həsənov
Ölkə.Az