Həftənin icmalı
Erməni kəşfiyyat-təxribat qrupunun üzvü yaxalandı
Cəbhə bölgəsində düşmənin kəşfiyyat-təxribat qrupunun üzvü ələ keçirilib.
Ölkə.Az Müdafiə Nazirliyinin mətbuat xidmətinə istinadən bildirir ki, 26 dekabr axşam saatlarında cəbhənin Ağdam rayonu istiqamətində ermənilərin kəşfiyyat-təxribat qrupu qoşunların təmas xəttini keçməyə cəhd göstərib. Müdafiənin ön xəttində yerləşən bölmələrimizin sayıqlığı nəticəsində düşmənin bu cəhdinin qarşısı əvvəlcədən aşkar edilərək alınıb. Qısa atışmadan sonra xeyli sayda itki verərək geri çəkilən düşmənin kəşfiyyat-təxribat qrupunun üzvü peşəkar hərbi qulluqçu, ilkin məlumata görə Baqdasaryan Arsen Eduardoviç əsir olaraq ələ keçirilib.
Hazırda saxlanılan erməni əsirin fəaliyyəti ilə bağlı araşdırma aparılır.
Prezident ailəsi ilə Fəxri xiyabanı ziyarət etdi
Azərbaycan prezidenti İlham Əliyev, xanımı Mehriban Əliyeva və ailə üzvləri Bakıda Heydər məscidinin açılışında iştirak ediblər.
Heydər Əliyevin və xanımı Zərifə Əliyevanın, o cümlədən vətən uğrunda şəhid olanların ruhuna fatihə verilib.
Daha sonra prezident və ailə üzvləri Fəxri xiyabana gəliblər. Dövlət başçısı atası Heydər Əliyevin məzarını ziyarət edib, oftalmoloq alim, akademik Zərifə Əliyevanın xatirəsi yad olunub.
Nərgiz Paşayeva “İLİN REKTORU” seçildi
Bugün Moskva Dövlət Universitetinin Bakı Filialında Dünya Azərbaycanlılarının Həmrəyliyi Günü və Yeni təqvim ili münasibəti ilə tədbir keçirilib.
Tədbirdə eyni zamanda Azərbaycan-Slavyan Gəncləri Assosiasiyasının həyata keçirdiyi beynəlxalq sorğunun nəticələrinə müvafiq olaraq Lomonosov adına Moskva Dövlət Universitetinin Bakı filialının rektoru, AMEA-nın müxbir üzvü, professor Nərgiz Paşayevaya“İLİN REKTORU” mükafatı təqdim edilib.
Prezident Qafqazın din xadimləri ilə görüşdü
Azərbaycan prezidenti İlham Əliyev Heydər məscidinin açılışında iştirak etmək üçün Rusiya Federasiyasının Şimali Qafqaz respublikalarından gələn din xadimlərini qəbul edib.
Dövlət başçısı Rusiya Federasiyasının Şimali Qafqaz respublikalarından gəlmiş din xadimlərinə Heydər məscidinin açılışında iştiraklarına görə təşəkkür edib və bunu xalqlarımız arasında dostluq və qardaşlığın göstəricisi kimi dəyərləndirib.
Yeni məscidin açılışını Azərbaycan üçün tarixi hadisə kimi qiymətləndirən prezident İlham Əliyev tarix boyu xalqımızın öz dini–mənəvi dəyərlərinə sadiq qaldığını vurğulayıb.
“Azadlıq” radiosunun ofisi möhürləndi
Baş Prokurorluq əməkdaşlarının “Azadlıq” radiosunun Bakı bürosunun ofisində apardığı axtarış-götürmə tədbirləri başa çatıb.
Axtarış zamanı ofisdə olan əməkdaşları bir otağa yığaraq, onlara komputerdən istifadə etməyə icazə verməsələr də, artıq bütün əməkdaşlar ofisdən çıxarılıb. Onlara bildirilib ki, artıq axtarış-götürmə ilə bağlı protokol tərtib olunur. Redaksiya əməkdaşlarından yalnız iki nəfər içəridə şahid qismində saxlanılıb. Həmçinin prokurorluq əməkdaşlarının özləri ilə gətirdiyi şahidlər də var.
Dövlət Komitəsi: Nurçuluğun Azərbaycanda iki qanadı fəaliyyət göstərir
"Azərbaycanda nurçuluğun iki qanadı var".
Bunu Dini Qurumlarıla İş üzrə Dövlət Komitəsinin sədr müavini Gündüz İsmayılov bu gün “Azərbaycan Dəmir Yolları” QSC-də keçirilən “Milli-mənəvi dəyərlər və müasirlik” mövzusunda keçirilmiş konfransdakı çıxışında deyib.
Komitə sədrinin müavini bildirib ki, bunlardan biri “dərsxana nurçuluğu”, digəri isə onlardan ayrılmış “müasir nuçuluq”dur: "Azərbaycanda əsasən bölgələrdə daha çox fəaliyyət göstərən “dərsxana nurçuluğu”dur. Onlara görə, dini izah eləməmişdən, hətta Qurandan öncə risalələri oxumaq lazımdır. Onların fikrincə, yalnız bu risalələri oxumaqla Quranı başa düşmək olar. Bunların “müasir nurçuluq” qanadından fərqi odur ki, siyasətə qarışmırlar. Ancaq təhsilə, dinlə bağlı təbliğata önəm verirlər. “Müasir nurçuluq” qanadında isə siyasi proseslərə müdaxilə var. Məsələn, seçkilərdə kollektiv şəkildə iştirak edirlər. Rəhbərlərinin mövqeyini nəzərə alaraq siyasi proseslərə qatılırlar”.
Tələbələr Ölkə.Az-ı özünə dost seçdi
Bakı Dövlət Universiteti Tələbə Həmkarlar İttifaqı Komitəsi (THİK) İctimaiyyətlə əlaqələr departamentinin təşkilatçılığı ilə ölkənin müxtəlif KİV nümayəndələri ilə görüş və onların “Tələbələrin dostu” fəxri adı ilə təltifləmə mərasimi keçirilib.
Görüşdə BDU THİK sədri Daşqın Qənbərov, İctimaiyyətlə əlaqələr departamentinin rəhbəri Rəşid Mustafazadə, komitə əməkdaşları və müxtəlif KİV nümayəndələri iştirak ediblər.
Tədbiri giriş sözü ilə açan THİK sədri Daşqın Qənbərov il boyu komitənin fəaliyyətini işıqlandıran media orqanlarına xəbərlərin dəqiq, operativ şəkildə işıqlandırdığı üçün minnətdarlığını bildirib. Təltif olunan media orqanları arasında Ölkə.Az informsiya portalı da yer alıb.
Bakı Şəhər Baş Polis İdarəsinə yeni təyinatlar olub
Bakı Şəhər Baş Polis İdarəsinə (BŞBPİ) yeni təyinatlar olub.
Daxili işlər naziri, general-polkovnik Ramil Usubovun imzaladığı müvafiq əmrlərlə Vüqar Əliyev BŞBPİ-nin Təşkilati-İnspektor İdarəsinin rəisi, Elçin Əsədov Kadrlar İdarəsinin rəisi, Zaur Fətəliyev isə Narkotiklərlə Mübarizə İdarəsinin rəisi vəzifələrinə təyin ediliblər.
DİN-in mətbuat xidmətindən APA-ya faktı təsdiqləyiblər.
Qeyd edək ki, bir müddət əvvəl BŞBPİ-də yoxlamalar həyata keçirilib. Yoxlamaların nəticəsi olaraq işdə yol verdikləri ciddi nöqsanlara görə BŞBPİ-nin Təşkilati-İnspektor İdarəsinin rəisi Əli Hacıyev, Kadrlar İdarəsinin rəisi Səbuhi Cəfərov, Narkotiklərlə Mübarizə İdarəsinin rəisi Musa Hacıyev və rəis müavini Mövsüm Qurbanov, Katibliyin rəisi Namiq Aslanov, Təhqiqat Şöbəsinin rəisi Ayxan Bağırov və digər 3 əməkdaş daxili işlər nazirinin əmri ilə tutduqları vəzifələrdən azad olunublar.
Yoxlamaların Daxili İşlər Nazirliyinin əsas Təşkilati Tədbirlər Planına uyğun olaraq aparıldığı bildirilib.
"Воры в законе" прибывают в Москву на главный саммит десятилетия, обсудить экономический кризис, падения цен на нефть и курс российского рубля)
В Москву начали съезжаться влиятельные "воры в законе" из СНГ и страны Европы. Они должны принять участие в самой масштабной сходке "криминальных генералов" за последние годы. Ее созвал босс всех боссов русской мафии Захарий Калашов (Шакро-молодой). На встрече будет решена судьба более 150 гангстеров, чьи воровские "короны" поставлены под сомнение.
Magistrlar əsgərlikdən möhlət hüququ alacaqlar — YENİ QANUN
Müzakirələr davam edir.
Azərbaycanda dövlət elmi müəssisə və təşkilatlarının doktoranturalarında, ali təhsil müəssisələrinin doktorantura və magistraturalarında əyani təhsil almaq istəyənlərə hərbi xidmətdən möhlət hüququ verilməsi gözlənilir.
Ölkə.Az apa-ya istinadən xəbər verir ki, bu məsələ Milli Məclisin Elm və təhsil komitəsinin digər komitələrlə birlikdə keçirilən iclasında müzakirəyə çıxarılan yeni “Elm haqqında” qanun layihəsinin 7-ci maddəsinin 9-cu bəndində əksini tapıb.
Sürücülər cərimələri “ASAN Xidmət”də ödəyəcəklər
Yenilik tətbiq olunur.
Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) gələn ildən prezident İlham Əliyevin “ASAN ödəniş” sistemi ilə bağlı imzaladığı fərmanın icrasına başlayacaq.
Fərmana əsasən, inzibati cərimələrin ödənilməsini təmin edəcək çoxfunksiyalı sistem yaradılacaq.
Bu məqsədlə əhalinin sıx olduğu yerlərdə xüsusi “ASAN Ödəniş” terminalları quraşdırılacaq.
Ölkə.az-ın əməkdaşı "İlin ən yaxşı tələbəsi" adına layiq görüldü
Bakı Dövlət Universiteti Tələbə Həmkarlar İttifaqı Komitəsi (BDU THİK) “İlin ən yaxşı tələbəsi” adlı müsabiqəsinin qaliblərini mükafatlandırıb. Müsabiqədə bir neçə tələbə "İlin ən yaxşı tələbəsi" adına layiq görülüb. Təltif olunan tələbələr sırasında Ölkə.az-ın əməkdaşı Rəşid Mustafazadə də yer alıb.
Rəşid Mustafazadə kimdir?
Rəşid Həsən oğlu Mustafazadə 1995-ci ildə Şirvan şəhərində anadan olub. O, Salyan rayon Yolüstü kənd orta məktəbində təhsil alıb. Məktəb dövründə bir çox fənn olimpiadaları və müsabiqələrinin qalibi olub.
Onun tələbə həyatı BDU Jurnalistika fakültəsinə (yüksək balla) qəbul olmaqla başlayıb. Rəşid Mustafazadə BDU Debat klubun jurnalistika fakültəsi üzrə koordinatoru vəzifəsində fəaliyyət göstərib. Müxtəlif seminarların fəal iştirakçısı olub. O, intellektual oyunlarda həm fərdi, həm də komanda şəklində bir neçə dəfə qalib olub.
İlham Əliyev ailə üzvləri ilə ad gününü qeyd etdi
Bu həftə Azərbaycan prezidenti İlham Əliyev ad gününü qeyd edib.
Prezidentin qızı, Heydər Əliyev Fondunun vitse-prezidenti Leyla Əliyeva sosial şəbəkədə ailə üzvləri ilə birgə çəkilmiş fotolar paylaşıb. Görüntülərin prezidentin ad günü mərasimindən çəkildiyi bildirilir.
Qafqazın ən böyük məscidinə Heydər Əliyevin adı verildi
Bu gün Prezidenti İlham Əliyev və xanımı Mehriban Əliyeva paytaxtın Binəqədi rayonunun ərazisində inşa edilən Heydər məscidində aparılan son tamamlama işlərinin gedişi ilə tanış olublar.
Ölkə.Az AzərTac-a istinadən xəbər verir ki, Bakı Şəhər İcra Hakimiyyətinin başçısı Hacıbala Abutalıbov tikintinin başa çatdığını, hazırda burada son tamamlama işlərinin həyata keçirildiyini bildirdi. Dövlət başçısının tapşırığı ilə inşa olunan bu yeni məscid 12 min kvadratmetr sahədə salınıb. Artıq məscidin fasadında bütün işlər görülüb, 72 metr hündürlüyündə 4 minarənin inşası başa çatdırılıb.
İlham Əliyev “QHT-lərin dostu” seçildi
Azərbaycan Respublikasının Prezidenti İlham Əliyev Azərbaycan-Slavyan Gəncləri Assosiasiyasının (ASGA) Analitik-Sorğu Mərkəzinin keçirdiyi sorğuya əsasən “QHT-lərin dostu” seçilib.
Bu barədə saytımıza məlumat verən təşkilatın sədri Səbuhi Abbasov sorğunun 45 gün ərzində davam etdiyini dedi: “Azərbaycan-Slavyan Gəncləri Assosiasiyası olaraq biz hər ilin sonunda aktual mövzular üzrə 2-3 beynəlxalq sorğu təşkil edirik. Bu ildə biz bir neçə istiqamət üzrə sorğular həyata keçirdik. Bu sorğuların spesifik xüsusiyyəti ondan ibarətdir ki, ASGA-nın Rusiya, Ukrayna və Polşa nümayəndəlikləri də prosesdə fəal şəkildə iştiak etdilər. Sorğu tam sərbəst, azad şəkildə həyata keçirildi. Maraq böyük idi. Bu sorğu bir daha göstərdi ki, ölkədə fəaliyyət göstərən QHT-lər birmənalı şəkildə Prezident İlham Əliyevi dəstəkləyirlər. Bununla da bəzi beynəlxalq təşkilatların qərəzli hesabatları, QHT-lərin “təzyiqə məruz qalmaları” barədə cəfəngiyyatları fiaskoya uğradı. Biz ASGA İdarə Heyəti olaraq məsələ ilə bağlı müraciət qəbul edəcəyik”
AMEA-da yeni müəssisələr yaradılacaq
AMEA prezidentindən yeni tələb: akademiyada yeni müəssisələr yaradılsın
Azərbaycan Milli Elmlər Akademiyasının prezidenti Akif Әlizadə bölmələr qarşısında akademiyada kiçik müəssisələrin yaradılması tələbini qoyub.
A.Әlizadə bu tələbini Azərbaycan Milli Elmlər Akademiyası Geologiya və Geofizika İnstitutunun Elmi Şurasının ümumi iclasında çıxış edərkən acıqlayıb.
Onun sözlərinə görə, AMEA-da ən azı 3-4, bəlkə də daha artıq sayda kiçik müəssisələr yaradılmalıdır: "Bunu həm Yer Elmləri Bölməsindən, həm də başqa bölmələrdən xahiş edirəm. Həm də bunu bir tələb kimi ortaya qoymuşam ki, AMEA-da ən azı 3-4, bəlkə də daha artıq sayda kiçik müəssisələr yaradılmalıdır. Akademiyada elmi nailiyyətlər kifayət qədər var. Amma onun innovasiyada, təcrübədə yerini görmürəm".
Prezidentin ad günü qeyd edildi
Bu gün Azərbaycan prezidenti İlham Əliyevin doğum günüdür. Prezidentin Azərbaycanın birinci şəxsi kimi ölkəyə xaricdə qazandırdığı nüfuzdan danışacağıq.
İlham Əliyev Moskva Dövlət Beynəlxalq Münasibətlər İnstitutunun məzunudur. Amma o, ilk növbədə Heydər Əliyev məktəbinin şagirdidir. Onun siyasi karyerasında da birincidən çox, ikinci amil mühüm rol oynayıb. Daha doğrusu onu ali məktəbdə aldığı təhsil, Heydər Əlieyev məktəbi üçün baza rolunu oynayıb. 1995-2000-ci illəri - İlham Əliyevin deputatlıq fəaliyyətini yaxşı xatırlayıram. Həmin illərin siyasi fırtınalarında arxa planda qalan İlham Əliyev sübut etdi ki, qələbə yalnız güclülərə yox, həm də səbirli və bacarıqlı olanlara qismət olur. O, liderliyi də öyrəndi, hər kəslə öz dilində danışmağı da.
Seçkilər başa çatdı
Azərbaycanda bələdiyyə seçkiləri başa çatıb.
Saat 17:00-a olan məlumata görə, bu gün Azərbaycanda keçirilən bələdiyyə seçkilərində respublika üzrə seçici fəallığı 36.38 faiz təşkil edib. Saat 17:00-a qədər 4 819 382 seçicidən 1 753 394 nəfəri səs verib.
MSK-nın “qaynar xətt”inə, poçt ünvanına və “facebook” səhifəsinə 115-ə yaxın müraciət daxil olub və bunlar da müxtəlif informasiyaların alınması ilə bağlı olub və həmin müraciətlər operativ şəkildə cavablandırılıb. İndiyə qədər hər hansı şikayət daxil olmayıb.
Azərbaycanda bələdiyyə seçkiləri başladı
Bu gün Azərbaycanda bələdiyyə seçkiləri keçirilir.
Saat 08:00-dan etibarən seçki məntəqələri seçicilərin səs verməsi üçün açıq elan edilib.
Qeyd edək ki, bu il bələdiyyə seçkilərində 1607 bələdiyyə üzrə 15 035 bələdiyyə üzvü seçilməlidir.
Seçkilər 118 dairə üzrə keçirilir. Ermənistan tərəfindən işğal olunmuş əraziləri əhatə edən rayonların aid olduğu 7 seçki dairəsi üzrə bələdiyyə seçkiləri keçirilmir.
Səsvermə 5015 məntəqədə həyata keçiriləcək. Bu məntəqələrdən 4887-si daimi, 128-i isə müvəqqəti yaradılan məntəqədir.
Azərbaycanda qadınların bəzi iş yerlərində çalışması qadağan ediləcək
Azərbaycanda hamilə və yaş yarımadək uşağı olan qadınların işləməsi qadağan edilən iş yerləri müəyyən olunacaq.
Əmək və əhalinin sosial müdafiəsi naziri Səlim Müslümov hakim Yeni Azərbaycan Partiyasının saytına müsahibəsində bildirib ki, “Dəyişdirilmiş Avropa Sosial Xartiyası”nın qadın və kişilərə bərabər imkanlar prinsipinə uyğun olaraq, qadınların işləməsi qadağan edilən iş yerlərinin siyahısının ləğv olunması, yalnız hamilə və yaş yarımadək uşağı olan qadınların işləməsi qadağan edilən iş yerlərinin müəyyən olunması üçün əmək qanunvericliyində dəyişiklik edilməsi gözlənilir.
Elşad Miri Şeyxə cavab verdi: "QMİ ilk öncə öz daxilində birləşsin..."
Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə Həzrəti Məhəmməd Peyğəmbərin vəfatının ildönümü ilə bağlı bu gün QMİ-də keçirilən tədbirdə bildirib ki, biz İran və Türkiyə ilə birləşib kənar məzhəblərə, radikal qüvvələrə qarşı birgə mübarizə aparmalıyıq. Bunun vaxtı çoxdan çatıb.
Elşad Miri: "Bu gün faktiki olaraq Qafqaz Müsəlmanları İdarəsində dindarlar arasında birlik olmadığı halda müxtəlif ölkələrə "birləşək" deməyimiz çox gülüc çıxır".
Məzahir Pənahov bələdiyyə seçkilərinə hazırlığın yekunları barədə danışdı
Sabah Azərbaycanda keçiriləcək bələdiyyə seçkilərində 37 077-yə qədər namizəd qeydə alınıb. Bu barədə Mərkəzi Seçki Komissiyasının (MSK) sədri Məzahir Pənahov bu gün keçirdiyi mətbuat konfransında deyib.
Onun sözlərinə görə, 8 siyasi partiya rəsmi olaraq namizədlərini irəli sürüb. Bu partiyalara Yeni Azərbaycan Partiyası, Ümid Partiyası, Milli Dirçəliş Hərəkatı Partiyası, Demokratik İslahatlar Partiyası, Sosial Demokrat Partiyası, Böyük Quruluş Partiyası, Vətəndaş Həmrəyliyi Partiyası, Ana Vətən Partiyası daxildir.
Azərbaycana qış gəldi
Qışın daxil olmasına Qış Günəş duruşu deyilir.
Ölkə.Az xəbər verir ki, qış Azərbaycana dekabrın 22-si girib. Qışın daxil olmasına Qış Günəş duruşu deyilir. Dekabrın 22-də Qış Günəş duruşunda olarkən qış fəsli Azərbaycana daxil olub.
Ölkə.az
