Gəncədə xeyriyyə tədbiri keçirilib

Gəncədə “Hamımız birimiz üçün” adlı xeyriyyə tədbiri keçirilib.

Ölkə.Az-a daxil olan məlumata görə, tədbir prezident İham Əliyevin doğum günü, 31 dekabr “Dünya Azərbaycanlılarının Həmrəylik Günü” və “Yeni il” münasibəti ilə həyata keçirilib.

Bayram şənliyi Gəncə şəhər İcra Hakimiyyəti və Əhalinin Sosial Müdafiəsi Mərkəzinin dəstəyi, “Odlar Yurdu" İctimai Birliyinin təşkilatçılığı və təşəbbüsi ilə baş tutub.Xeyriyyə tədbirində cəmiyyətin xüsusi diqqət və qayğıya ehtiyacı olan təbəqələrinin nümayəndələri iştirak edib. Qarabağ əlilləri və şəhid ailələri, Milli Qəhrəmanların ailə üzvləri, Əfqanıstan və Çernobıl müharibəsi əlilləri, tnha ahıllar, valideyn himayəsindən məhrum olunmuş uşaqlar iştirak edib.“Odlar Yurdu" İctimai Birliyinin sədri Nigar Ələsgərova bildirib ki, ölkə başçısı İlham Əliyev və ailə üzvləri hər zaman ad günlərini cəmiyyətin xüsusi qayğıya ehtiyacı olan təbəqələrinin nümayəndələri ilə qeyd edirlər.

Gəncə də bu ənənəyə sadiq qalaraq “Hamımız birimiz üçün” adlı xeyriyyə tədbirini keçirir. Tədbirin bədii hissəsində uşaqlara şaxta baba tərəfindən bayram hədiyyələri təqdim olunub.