Müqaviləsiz işçi çalışdıran şirkətlər cəzalandırılacaqlar
“Ötən il Bakıda tikilməkdə olan çoxmənzilli yaşayış binalarında müqaviləsiz işçi çalışdıran şirkətlər, hüquqi və fiziki şəxslər üzrə 17 material Əmək və Əhalinin Sosial Müdafiəsi Nazirliyinə, 18 material isə Baş Prokurorluğa göndərilib”.
"Ölkə.Az" xəbər verir ki, bunu “Tikinti sahəsində əmək münasibətləri” mövzusunda keçirilən təqdimatda “ASAN xidmət”in Əmək Münasibətlərinin Monitorinqi Mərkəzi şöbəsinin müdiri Fariz Cəfərov bildirib.
O qeyd edib ki, ötən dövr ərzində əmək müqavilələrinin imzalanmasında müsbət dinamika müşahidə edilir: “10 ay ərzində Bakıda çoxmənzilli yaşayış binalarının tikintisi ilə məşğul olan hüquqi və fiziki şəxslər tərəfindən 33 min müqavilə imzalanaraq əmək müqavilələrinin elektron bildiriş sistemində qeydiyyata alınıb”.
F. Cəfərov nöqsanların da aşkarlandığını, müəyyənləşmiş faktların sənədləşdirildiyini bildirib.
Ölkə.Az
