DYP-dən sürücülərə qadağa

“İnzibati məsuliyyətə cəlb ediləcəklər”.

Bayram günlərində saat 8:00-dan 21:00-dək yük avtomobilləri Bakı şəhərinə daxil olması qadağan olunub.

Bunu Daxili İşlər Nazirliyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev bildirib.

Şöbə rəisin sözlərinə görə, “31 Dekabr - Dünya Azərbaycanlılarının Həmrəylik Günü” və “Yeni il” münasibəti ilə 31 dekabr 2014-cü il – 4 yanvar 2015-ci il tarixlərinin istirahət günü olması ilə əlaqədar paytaxtda nəqliyyat vasitələrinin və piyadaların hərəkət intensivliyinin artacağını nəzərə alaraq, Azərbaycan Respublikası DİN Baş Dövlət Yol Polisi İdarəsi yükdaşıma fəaliyyəti ilə məşğul olan fiziki və hüquqi şəxslərə xəbərdarlıq edib.

İdarə bir daha onların nəzərinə çatdırır ki, özlərinə məxsus və ya istifadələrində olan yük avtomobilləri ilə saat 8:00-dan 21:00-dək Bakı şəhərinin ərazisinə daxil olmasınlar: “Bu qadağa ilə bağlı müvafiq yol nişanlarının və müəyyən edilmiş vaxt rejiminin tələblərini pozan sürücülər mövcud qanunvericiliklə nəzərdə tutlmuş qaydada inzibati məsuliyyətə cəlb ediləcəklər”./Oxu.az/

Ölkə.Az