Səxavət Məmməd "Ölkə"dən getdi

Jurnalist Səxavət Məmməd yeni layihəyə start verir.

Bu barədə elə Ölkə.az-a danışan jurnalist hazırki iş yeri ilə əməkdaşlığına son vermək qərarına gəldiyini deyib. Onun sözlərinə görə, hazırda işləyəcəyi yeni layihə üzərində tamamlanma işləri gedir.

"Yanvar ayından etibarən Ölkə.az-la əməkdaşlığıma son verirəm. Hazırda tam yeni layihə üzərində çalışıram. Demək olar ki, tamamlanma işləri ilə məşğulam. Tamamlanma işləri bitər-bitməz layihə barədə daha ətraflı məlumat verəcəyəm", deyə jurnalist bildirib.

Qeyd edək ki, Səxavət Məmməd indiyə qədər bir neçə media orqanında fəaliyyət göstərib. O, həmçinin "Ölkə.Az"dan getmə səbəblərindən biri kimi redaksiya ilə mövqeyinin üst-üstə düşmədiyinidə vurğulayıb.

Ölkə.az olaraq keçmiş əməkdaşımıza seçdiyi yolda uğurlar arzu edirik.

Ölkə.az