MSK seçkinin nəticələrini ləğv etdi - 2 məntəqədə

Mərkəzi Seçki Komissiyası (MSK) 70 saylı Masallı şəhər seçki dairəsində Musaküçə bələdiyyəsi üzrə 34 və 35 saylı məntəqələrdə keçirilən seçkinin nəticələrini ləğv edib.

Bununla bağlı qərar MSK-nın iclasında qəbul edilib.

İclasda 59 saylı Salyan Seçki Dairəsində Qızılağac, 79 Saylı İmişli Seçki Dairəsində Novruzlu, 71 saylı Masallı Kənd Seçki Dairəsində Ərkivan və Qızılavar, 79 saylı İmişli Seçki Dairəsində Yalavac, 74 saylı Lənkəran Kənd Seçki Dairəsində Kərgəlan, 119 saylı Ağdam Kənd Seçki Dairəsində Quzanlı, 57 saylı Kürdəmir Seçki Dairəsində Şilyan, 112 saylı Qax Seçki Dairəsində Vərnə, 117 saylı Oğuz-Qəbələ Seçki Dairəsindən Kərimli, 52 saylı Quba Seçki Dairəsində Küpçal-Dağlı və 96 saylı Goranboy-Naftalan Seçki Dairəsində Ağamalıoğlu bələdiyyələri üzrə namizədlərin seçki məntəqələrindən daxil olan müraciətlərinə də baxılıb və həmin müraciətlər təmin edilməyib.

Sonda cari məsələlərə baxılıb. (apa.az)

Ölkə.Az