AMEA-ya yeni mətbuat katibi təyin olundu

AMEA prezidenti yeni mətbuat katibi təyin edib.

Ölkə.Az xəbər verir ki, Azərbaycan Milli Elmlər Akademiyasının İctimaiyyətlə əlaqələr şöbəsinə yeni rəhbər təyin edilib. AMEA-nın yeni mətbuat katibi Baba Əliyev olub.

Baba Əliyev kimdir?

Baba Əliyev 1991-ci ildə Tovuz rayonu Qovlar şəhərində anadan olub. O, orta təhsilini Qovlar şəhərində alıb və 2009-cu ildə Bakı Dövlət Universitetinin Jurnalistika fakültəsinə daxil olub. Tələbəlik illərində Baba Əliyev "Gənc Reportyorlar Klubu"nun sədr, "Student Times" qəzetinin baş redaktor müavini və Jurnalistika fakültəsi üzrə Tələbə Həmkarlar Təşkilatının sədri vəzifələrində çalışıb. O, universiteti bitirdikdən sonra bir müddət AMEA-nın İctimaiyyətlə əlaqələr şöbəsində fəaliyyət göstərib.

Xatırladaq ki, keçən ilin oktyabrında AMEA-nın İctimaiyyətlə əlaqələr şöbəsinin rəhbəri Səid Hüseynov vəzifəsindən azad edilmişdi.

Rəşid Mustafazadə

Ölkə.Az