\"De, gəlsin!\"də bu səbəbdən haqsızlıqlar olurdu\"

O, "Ölkə.Az"a açıqlamasında bildirib ki, sözügedən yarışmanın münsiflər heyətində meyxanaya aidiyyatı olmayan şəxslər olduğundan bəzi ədalətsiz qərarlar verilib:

"Orada aktyor Qorxmaz Əlili, "Qulp" verilişinin aparıcısı Mübariz Əsgərov kimi meyxanaya birbaşa aidiyyatı olmayan şəxslər əyləşmişdi. Bu gün də onların niyə həmin kürsüdə əyəlşdirildiyi mənə qaranlıq qalır. Buna görə də qiymətləndirmədə ədalətlilik prinsipi pozulurdu. Mən də məhz bu səbəbdən yarışı öz istəyimlə yarımçıq tərk etdim. Ancaq növbəti ildə həmin yarışın çempionu adını qazandım".

Qeyd edək ki, bir neçə gün öncə tanınmış meyxanaçı Ələkbər Yasamallı da milli.az-a müsahibəsində "De, gəlsin!"də ona qarşı haqsızlıq edildiyini bildirmişdi. O, buna səbəb kimi mərhum meyxanaçı Nizami Rəmzinin tələbəsi olduğunu göstərmişdi.

Xatırladaq ki, fəaliyyəti dayandırılmış ANS telekanalında yayımlanan və Aydın Xırdalanlının çempion olduğu "De, gəlsin!" layihəsində Mübariz Əsgərov və Qorxmaz Əliliylə yanaşı, mərhum qəzəlxan Hacı Ələmdar Mahir, Məhəmməd Füzuli irsinin araşdırıcısı Həkim Qəni, şair Baba Pünhan, mehyxanaçı Ağasəlim Çıldağ da münsif kürsüsündə yer almışdılar.

İntiqam VALEHOĞLU 
Ölkə.Az