Bir gündə iki nəfəri qətlə yetirən şəxs tutuldu
Azərbaycanın 2 rayonunda qətl törədən şəxs saxlanılıb.
“Ölkə.Az”ın xəbərinə görə, Saatlı rayonunun Sarıcalar kəndində, dəmir yolu stansiyası ərazisində Yaqubov Kamran Etimad oğlu bıçaqla qətlə yetirilib.
Elə həmin gün oxşar hadisə Sabirabad rayonunda da qeydə alınıb. Rayon sakini, 1971-ci il təvəllüdlü Sadıqov Teymur Əlihüseyn oğlu da bıçaqlanaraq öldürülüb. İsti izlərlə keçirilən əməliyyat-axtarış tədbirləri nəticəsində 2 ağır cinayəti törədən şəxs- Əliyev Firqət Əliabbas oğlu müəyyən edilərək saxlanılıb.
Faktlarla bağlı hər iki rayon prokurorluğunda cinayət məcəlləsinin 120-ci (qəsdən adam öldürmə) maddəsi ilə cinayət işi başlanıb, istintaq tədbirləri davam etdirilir. F.Əlieyevin cinayətləri hansı səbəbdən törətməsi istintaqın gedişi zamanı məlum olacaq.
