\"Azərişıq\" cənub rayonlarında elektrik təsərrüfatına media tur təşkil edib

"Ölkə.Az"ın məlumatına görə, “Azərişıq” ASC-nin mətbuat xidmətinin rəhbəri Tanriverdi Mustafayev media tur zamanı jurnalislərə məlumat verib ki, Masallı rayonunun ərazisində yerləşən 35 kV-luq Alvadı yarımstansiyası ötən ilin dekabr ayında istifadəyə verilib. Raonun Alvadlı kəndində 35 kv-luq yüksək gərginlikli, 10 kV-luq orta gərginlikli hava xətləri yenidən qurulub. Təzə Alvadı, Ləngan, Təklə, Xoşçobanlı, Mollahəsənli, Sığıncaq kəndlərinin 0.4 kV hava xətləri Özünüdaşıyan İzolyasiyalı Naqillərlə (ÖİN) əvəzlənib, ərazilərə yeni Komplekt Transformator Məntəqələri (KTM) qurlaşdırılıb. Təzə Alvadı, Ləngan, Təklə, Xoşçobanlı, Mollahəsənli, Sığıncaq kəndlərinin 0.4 kV hava xətləri Özünüdaşıyan İzolyasiyalı Naqillərlə (ÖİN) əvəzlənib, ərazilərə yeni Komplekt Transformator Məntəqələri (KTM) qurlaşdırılıb. Hazırda 35/10 kV-luq “Qarğalıq” yarımstansiyasından qidalanan 10 kV-luq Həsənli və Xırmandalı kənd hava xətləri yenidən qurulur, Boradigah qəsəbəsində 0,4 kV-luq hava xətti ÖİN kabellərlə əvəzlənir.

Tanriverdi Mustafayev bildirib ki, rayon mərkəzlərində, qəsəbə və kəndlərində olan istehlakçıların etibarlı, təhlükəsiz və dayanıqlı elektrik enerjisi ilə təmin olunması üçün yararsız, istismar müddəti başa çatmış avadanlıq müasir tipli avadanlıqlarla əvəz olunub, uzun illər istismar olunan ağac dayaqlar yeni dəmir və dəmir beton dayaqlarla əvəzlənib.

“Azərişıq” ASC rəsmisi həmçinin əlavə edib ki, təmsil etdiyi qurum yenidənqurma və əsaslı təmir-tikinti işlərini bu il də davam etdirir. 

Vasif Həsənli
Ölkə.Az