Atanı öldürüb, oğlunu isə ağır yaralayan şəxs hakim qarşısında
Şəki Ağır Cinayətlər Məhkəməsində atanı öldürüb, oğlunu isə yaralayan şəxsin məhkəməsi başlayıb.
“Ölkə.Az”ın xəbərinə görə, cinayət məcəlləsinin 120 cə 126.1-ci maddələri ilə təqsirləndirilən İsayev Nurlan Sahib oğlunun məhkəməsi hakim Camal Ramazanovun sədrliyi ilə baş tutacaq.
Xatırladaq ki, hadisə bu il yanvar ayının 19-da Ucar rayonu ərazisində baş verib. Şəhərin Heydər Əliyev prospekti, ev 92 ünvanında yaşayan 1959-cı il təvəllüdlü Tehran Salman oğlu Zahidov və oğlu 1982-ci il təvəllüdlü Samir Tehran oğlu Zahidov bıçaq xəsarətləri ilə ağır vəziyyətdə Ucar Mərkəzi Rayon Xəstəxanasına yerləşdiriliblər.
T. Zahidovun ürək nahiyəsindən aldığı xəsarət ağır olduğundan o, xəstəxanada ölüb. Oğlu S. Zahidov isə Göyçay Mərkəzi Rayon Xəstəxanasına aparılıb.
Cinayətin törədilməsində şübhəli bilinən İsayev Nurlan Sahib oğlu isə saxlanılıb.
