Mətn ölçüsü:
  • 100%

Mingəçevirdə yeni tipli piyada keçidi

Bu işıqlar yerdə quraşdırılmasına baxmayaraq yağış sularına da davamlıdır.

Mingəçevir şəhərində yeni tipli piyada keçidi quraşdırılıb.

Piyada keçidinin üzərində iki cür - yaşıl və qırmızı - rəngli işıqlar quraşdırılıb: Yaşıl rəngli işıq piyada zolağının üzərində quraşdırılıb. Qırmızı rəngli işıq isə sürücülərin avtomobilləri dayandırıb, piyadaya yol vermək üçün “stop xətt”dir.

Piyada keçidi şəhərin mərkəzində, Heydər Əliyev prospekti ilə Axundov küçəsi ilə kəsişmədə tətbiq olunub.

220 voltla işləyən piyada zolağı elektrik enerjisini, keçidin yanında quraşdırılan elektrik dirəyindən alır. Eyni zamanda, bu işıqlar yerdə quraşdırılmasına baxmayaraq yağış sularına da davamlıdır.

Məlum olub ki, sürücülər bu tip piyada keçidlərini daha yaxşı görürlər. Gecə saatlarında qaranlıq yolla hərəkət edən nəqliyyat vasitələrinin sürücüləri yol kənarlarında olan həmin piyada keçidlərinə baxıb hərəkəti tənzimləyir.

Qeyd edək ki, bir müddət öncə paytaxtda da xüsusi işıqlandırılmış piyada keçidi Murtuza Muxtarov küçəsi ilə Nigar Rəfibəyli küçəsinin kəsişməsində quraşdırılmışdı.(oxu.az)

Ölkə.Az