Həftənin icmalı
Məhəmməd peyğəmbərin karikaturasını yayımlayan redaksiyaya silahlı hücum edildi
07.01.2015
Redaksiyaya silahlı hücum təşkil olunub.
Ölkə.Az dünya mətbuatına istinadən xəbər verir ki, Məhəmməd peyğəmbərin karikaturalarını yayımlayan "Charlie Hebdo" jurnalının Parisdəki redaksiyasına silahlı hücum təşkil edilib. Hücum nəticəsində 11 nəfər həyatını itirib, 5-i ağır olmaqla, 15 şəxs yaralanıb.
Yerli KİV-lər xəbər verir ki, hücum iki və ya üç nəfər tərəfindən reallaşdırılıb. Onlar hadisə yerindən uzaqlaşıblar
Prezidentin ehtiyat fondundan 3 milyon ayrıldı
09.01.2015
Azərbaycan prezidenti İlham Əliyev Hacıqabul rayonunun Qarasu-Abdulabad-Talış-Meyniman-Muğan avtomobil yolunun tikintisi ilə bağlı tədbirlər haqqında sərəncam imzalayıb.
Sərəncamda aşağıdakı göstərişlər verilib:
AZAL siqaret çəkməyi qadağan etdi
09.01.2015
Şirkət məlumat yaydı.
"Azərbaycan Hava Yolları" (AZAL) QSC-nin bütün aviareyslərində siqaret, qəlyan, siqar və elektron siqaret qurğularından istifadə qadağan edilib.
Ölkə.Az AZAL-a istinadən verdiyi məlumata görə, həmçinin elektron siqaret qurğularının qeydiyyata alınmış baqajda daşınmasına yol verilmir.
Belə qurğuların sərnişinin əl çantasında daşınması tələb olunur.
Hərbi hissələr qış mövsümünə necə hazırlaşıb?
09.01.2015
Müdafiə nazirinin təsdiq etdiyi əmrlərin tələblərinə və plana uyğun olaraq yüksək dağlıq və çətin iqlim şəraitində yerləşən hərbi hissələr artıq çoxdan qış mövsümünə hazırdırlar və bu istiqamətdə müvafiq tədbirlər yerinə yetirilib.
Müdafiə Nazirliyi bildirir ki, Müdafiə Nazirliyinin tabeliyində olan bütün hərbi hissələr qışa hazırlıq prosesini çoxdan yekunlaşdırıb, şəxsi heyət qış geyim forması və isti paltarla, bölmələr təbii qaz, dizel, soba və odun yanacaqları ilə normalara uyğun olaraq tam təmin edilib: “Dəniz səviyyəsindən 1000 metr yüksəklikdə yerləşən hərbi hissələrdə hərbi qulluqçular gündəlik ümumqoşun ərzaq payı normalarından əlavə müəyyən edilmiş qaydada ərzaq payı ilə təmin olunublar.
Eyni zamanda yüksək dağ şəraitində yerləşən bölmələrin şəxsi heyətinin stasionar şəraitdəki kimi yüksək kalorili, milli çeşidli və keyfiyyətli yeməklərlə qidalanmaları üçün həmin bölmələr konservləşdirilmiş 1-ci və 2-ci milli yeməklərlə də təmin ediliblər”.
“Sahil”dəki ağır qətlin səbəbkarı danışdı — “Necə olduğunu bilmədim...”
08.01.2015
Yanvarın 6-da “Sahil” bağında qətl törətməkdə təqsirləndirilən 1988-ci il təvəllüdlü Elçin Çobanov törətdiyi əməlindən peşman olduğunu deyib.
Təqsirləndirilən şəxs APA TV-yə bildirib ki, insident o yox, it gəzdirən tanımadığı şəxslər yaradıb:
"Yoldaşımı götürməyə getmişdim, it hürdü. Dedim itini çək, cavab verdi ki, sənlik deyil. Üstümdə bıçaq vardı, vurdum onları. Heç bilməmişəm, necə olub..."
Xatırladaq ki, yanvarın 6-da "Sahil" bağında qətl törədilib. Elçin Çobanov orada mübahisə zəminində it gəzdirən Həsən Həsənov və Orxan Məmmədzadəyə bıçaqla xəsarət yetirib. Həsən Həsənov hadisə yerində ölüb. Təqsirləndirilən şəxs bildirib ki, həyat yoldaşı Leyla Çobanovanı Nəsrəddin Tusi adına Azərbaycan Dövlət Pedaqoji Universitetindən gətirərkən Həsən Həsənovun gəzdirdiyi it onun yoldaşına hürməyə başlayıb.
Azərbaycanda 2014-cü ildə "yol terroruna" qurban gedənlər — 1124 ölü, 2676 yaralı
08.01.2015
2014-cü ildə Azərbaycan yollarında baş verən qəzalar zamanı 1124 nəfər ölüb.
Bunu Daxili İşlər Nazirlyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev deyib.
Şöbə rəisi qeyd edib ki, ötən il ərzində ölkə ərazisində 2635 yol-nəqliyyat hadisəsi qeydə alınıb. Baş vermiş hadisələr nəticəsində 1124 nəfər ölüb, 2676 nəfər müxtəlif dərəcəli bədən xəsarətləri alıb.
Bakıya ilk qar yağdı
08.01.2015
Bu gün səhər saat 5:00 radələrindən başlayaraq Bakıya mövsümün ilk qarı yağıb.
Bir neçə saat içində yer hissə-hissə ağ örpəyə bürünüb.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Porqnozlar Bürosunun direktor müavini Gülşad Məmmədova bildirib ki, yanvarın 8-də Bakıda və Abşeron yarımadasında havanın fasilələrlə yağıntılı olacağı, qar yağacağı gözlənilir. Şimal-qərb küləyi güclənəcək. Çovgun olacağı, gecəyə doğru yolların buz bağlayacağı ehtimalı var.
Havanın temperaturu gecə 2-4 dərəcə isti , gündüz 0 dərəcəyə yaxın olacaq. Axşama doğru 2 dərəcəyə yaxın şaxta olacaq.
Azərbaycanda parlament seçkilərinə 41,8 milyon manat ayrıldı
07.01.2015
Azərbaycanda 2015-ci ildə Milli Məclisə seçkilərin keçirilməsi üçün ayrılması nəzərdə tutulan vəsaitin həcmi açıqlanıb.
Dövlət büdcəsində “Ümumi dövlət xidmətləri” bölməsi üzrə “Başqa kateqoriyalara aid edilməyən ümumi dövlət xidmətləri xərcləri”ndən xərclərindən əsasən ölkədə seçicilərin qeydiyyatı, seçkilərin, referendumların keçirilməsi, respublika miqyaslı siyahıyaalınma və statistika sistemində islahatların aparılması xərcləri maliyyələşdirilir.
2015-ci ilin dövlət büdcəsində bu xərclərə seçici siyahılarının dəqiqləşdirilməsi, seçki orqanlarının (dairə seçki komissiyalarının) saxlanılması, statistika sistemində islahatların aparılması ilə bağlı xərclər daxildir. Eyni zamanda 2015-ci ildə Milli Məclisə seçkilərin keçirilməsi ilə bağlı xərclər də bu köməkçi bölmədən maliyyələşdiriləcək.
Milli Məclisə seçkilərin keçirilməsi üçün 41,8 milyon manat vəsait nəzərdə tutulub.
Zahid Qaralov dünyasını dəyişdi
07.01.2015
Yeni Azərbaycan Partiyasının Səbail rayon təşkilatının sədri Zahid Qaralov dünyasını dəyişib.
Məlumata görə, Z.Qaralov Almaniya xəstəxanalarından birində dünyasını dəyişib.
Xatırladaq ki, Qaralov Zahid İbrahim oğlu 10 iyul 1934-cü ildə Gürcüstanın Başkeçid rayonunun Ormeşən kəndində anadan olub. Azərbaycan Dövlət Pedaqoji İnstitutunun (indiki ADPU) Fizika-riyaziyyat fakültəsini bitirib. Pedaqoji elmlər doktoru, professordur. Respublikanın əməkdar müəllimidir
Qurban Yetirmişli: "Böyük zəlzələlər gözlənilmir"
07.01.2015
Son günlər bölgələr, o cümlədən Xəzər dənizində zəlzələ ocaqlarında xüsusi aktivlik müşahibə olunmaqdadır. Ardıcıl baş verən təkanlar əhali arasında müəyyən suallar yaradıb.
Aktivlik böyük zəlzələyə səbəb ola bilərmi?
Mövzu ilə əlaqədar Ölkə.az-a danışan Respublika Seysmoloji Mərkəzinin direktoru Qurban Yetirmişli bildirdi ki, xırda təkanlar ciddi heç nəyə səbəb ola bilməz.
Prezidentdən vacib — SƏRƏNCAM
06.01.2015
İlham Əliyev nazirliyə 5 milyon ayırdı
Azərbaycan prezidenti İlham Əliyev əhalinin ekoloji cəhətdən təmiz su ilə təminatının yaxşılaşdırılması ilə əlaqədar əlavə tədbirlər haqqında sərəncam imzalayıb.
Anar Yusifoğlu İctimai Televiziyaya qayıtdı
06.01.2015
Anar Yusifoğluna İTV-də yeni vəzifə verilib
İctimai Televiziya və Radio Yayımları Şirkətində yeni təyinat olub.
Əvvəllər İTV-nin Analitik Proqramlar Departamentinin direktoru işləyən Anar Yusifoğlu adıçəkilən televiziyanın İnformasiya və İctimai-Siyasi Proqramlar Departamentinin direktor müavini təyin edilib. A. Yusifoğlu 2013-cü ilin sentyabrında vəzifəsindən azad edilmişdi. O, hazırda aktual.az saytına rəhbərlik edir.
Ordumuz cəbhədə daha 2 erməni hərbçisini məhv etdi
06.01.2015
Azərbaycan Silahlı Qüvvələrinin bölmələri cəbhədə Ermənistan ordusunun 2 hərbçisini məhv edib.
Yanvarın 5-dən 6-na keçən gecə Azərbaycan və Ermənistan qoşunlarının təmas xəttində atışma zamanı 2 erməni hərbçi öldürülüb. Onların hər ikisi muzdlu əsgər olub.
Prokurorluq namaza görə işdən çıxarılanlarla bağlı açıqlama yaydı
05.01.2015
Azərbaycan Respublikasının Baş Prokurorluğu namaz qıldıqlarına görə işdən çıxarılanlarla bağlı yayılan məlumatlara münasibət bildirib.
Qurumun mətbuat xidmətinin rəhbəri Eldar Sultanov APA-nın sorğusuna cavabında bildirib ki, Zaqatala rayon Prokurorluğunun Dəftərxana müdiri Seyfulla Qurbanov və onun oğlu, Balakən rayon Prokurorluğunun Dəftərxana müdiri Sərxan Qurbanovun namaz qıldıqlarına görə işdən azad olunması barədə bəzi kütləvi informasiya vasitələrində yayılan xəbərlər əsassızdır.
Belə ki, S. Qurbanov əmək intizamını dəfələrlə kobud şəkildə pozduğuna görə, oğlu S. Qurbanov isə öz ərizəsi ilə rayon prokurorlarının imzaladıqları əmrlərə əsasən vəzifələrindən azad ediliblər.
Əvəz Zeynallı azadlığa buraxıldı
05.01.2015
“Milli birlik istiqamətində atılan addım kimi qiymətləndirirəm”.
“Xural” qəzetinin təsisçisi və baş redaktoru Əvəz Zeynallı Fəxri xiyabanı və Şəhidlər xiyabanını ziyarət edib.
Ölkə.Az xəbər verir ki, bu barədə apa-ya Ə. Zeynallının həyat yoldaşı Məlahət Zeynallı məlumat verib.
O bildirib ki, Ə. Zeynallı Şəhidlər xiyabanında 20 Yanvar şəhidləri İlham və Fərizənin məzarlarını ziyarət edib:
Müdafiə Nazirliyi bəyanat yaydı
05.01.2015
"Azərbaycan Müdafiə Nazirliyi bir daha qəti şəkidlə bəyan edir ki, kəndlərin, dinc əhalinin, heç bir hərbi əhəmiyyət daşımayan obyektlərin Ermənistanın silahlı birləşmələri tərəfindən atəşə məruz qalması Azərbaycan tərəfindən qarşılıqsız qalmayacaq və bunun cavabı sarsıdıcı olacaq".
Ölkə.Az bildirir ki, bunu trend-in sorğusuna cavab olaraq Müdafiə Nazirliyinin mətbuat xidmətinin rəisi, polkovnik Vaqif Dərgahlı bəyan edib.
Onun sözlərinə görə, son günlər Ermənistan silahlı birləşmələrinin iriçaplı silahlardan, ələlxüsus bir neçə ildən sonra ilk dəfə minaatanlardan istifadə edərək Silahlı Qüvvələrimizin (SQ)mövqelərini və cəbhəboyu yaşayış məntəqələrini intensiv atəşə tutması onların çıxılmaz vəziyyətdə olduğuna işarədir.
Səxavət Məmməd "Ölkə"dən getdi
05.01.2015 1
Ölkə.az-ın jurnalisti Səxavət Məmməd yeni layihəyə start verir.
Bu barədə elə Ölkə.az-a danışan jurnalist hazırki iş yeri ilə əməkdaşlığına son vermək qərarına gəldiyini deyib. Onun sözlərinə görə, hazırda işləyəcəyi yeni layihə üzərində tamamlanma işləri gedir.
"Yanvar ayından etibarən Ölkə.az-la əməkdaşlığıma son verirəm. Hazırda tam yeni layihə üzərində çalışıram. Demək olar ki, tamamlanma işləri ilə məşğulam. Tamamlanma işləri bitər-bitməz layihə barədə daha ətraflı məlumat verəcəyəm", deyə jurnalist bildirib.
Uorlik: 2015-ci ildə səylər Dağlıq Qarabağ münaqişəsinin nizamlanmasına yönəldilməlidir
05.01.2015
2015-ci ildə səylər Dağlıq Qarabağ münaqişəsinin nizamlanmasına yönəldilməlidir.
Bu barədə ATƏT MQ-nin ABŞ-dan olan həmsədri Ceyms Uorlik “Twitter” sosial şəbəkəsindəki səhifəsində yazıb.
Onun sözlərinə görə, zorakılığın bərpası məsələnin həlli deyil.
Cəbhə xəttində vəziyyət yenidən gərginləşdi
05.01.2015
Cəbhə xəttində atəşkəs yenidən pozulub.
Müdafiə Nazirliyindən Ölkə.Az-averilən məlumata görə, cəbhənin müxtəlif istiqamətlərində sutka ərzində atəşkəs rejimi ümumilikdə 83 dəfə pozulub.
Erməni silahlı bölmələri Ermənistan Respublikasının İcevan rayonunun Berkaber kəndində yerləşən mövqelərdən Qazax rayonunun Qızılhacılı, Noyemberyan rayonunun Şavarşavan kəndində yerləşən mövqelərdən Qazax rayonunun Fərəhli, Berd rayonunun Ayqepar və Mosesqex kəndlərində yerləşən mövqelərdən Tovuz rayonunun Əlibəyli və Ağdam kəndlərində yerləşən mövqelərimizi atəşə tutublar.
Ölkə.az
