Hamilə qadınlara qadağan olunan iş yerləri müəyyənləşəcək

Əmək Məcəlləsinə dəyişikliklər edilə bilər.

“Ötən il Azərbaycanda əməyin təhlükəsizliyi və sağlamlaşdırılması üzrə Milli Strategiya”nın, Sosial və İqtisadi Məsələlər üzrə Üçtərəfli Komissiyanın Əsasnaməsinin, “İstehsalatda baş verən bədbəxt hadisələrin təhqiqi və uçota alınması qaydaları”nın layihələri hazırlanıb.

Bu sözləri Əmək və Əhalini  Sosial Müdafiəsi naziri Səlim Müslümov bildirib.

Nazir qeyd edib ki, “Əmək Məcəlləsinin Beynəlxalq Əmək Təşkilatının (BƏT) 156 və 183 nömrəli Konvensiyalarına, habelə “Dəyişdirilmiş Avropa Sosial Xartiyası”nın müvafiq prinsipinə uyğunlaşdırılması üçün həmin Məcəllədə dəyişikliklər edilməsi ilə əlaqədar qanunvericilik layihələri də hazırlanıb”.

Bu dəyişikliklər, qadınların işləməsi qadağan edilən iş yerlərinin siyahısının ləğv olunaraq, yalnız hamilə və yaş yarımadək uşağı olan qadınların işləməsi qadağan edilən iş yerlərinin müəyyən olunmasını, Məcəlləyə “ailə vəzifələri olan işçi” anlayışının daxil edilməsini və s. nəzərdə tutur”. 

Beynəlxalq əməkdaşlıq sahəsində görülən işlərə də toxunan nazir bunun nazirlikdə aparılan islahatlarda qabaqcıl beynəlxalq təcrübənin öyrənilməsi və tətbiqi baxımından mühüm önəm kəsb etdiyini diqqətə çatdırıb.(Oxu.az)

Ölkə.Az