Gəncə hadisələrinə görə daha 7 nəfər həbs edildi
2018-ci ilin 10 iyul tarixində Gəncə şəhərində törədilmiş cinayətlərlə bağlı daha 7 nəfər, o cümlədən axtarışda olan İbrahimov Samir Ramiz oğlu həbs edilib.
"Ölkə.Az" AzərTac-a istinadən xəbər verir ki, 1 nəfər bu gün gecə saatlarında Azərbaycan-Gürcüstan sərhədini Qazax rayonu ərazisindən keçmək istəyərkən saxlanılıb.
Bununla da 10 iyul hadisələrinə görə həbs edilənlərin sayı 22 nəfərə çatıb.
3 iyul tarixində Gəncə şəhəri İcra Hakimiyyətinin başçısı Elmar Vəliyevin həyatına sui-qəsdlə bağlı isə ümumilikdə 13 nəfər həbs olunub, 8 nəfər barəsində axtarış elan edilib.
Əməliyyat-axtarış tədbirləri davam etdirilir.
