Keçmiş məhkumlardan narkotik və silah götürüldü
DİNH-in mətbuat xidmətində "Ölkə.Az"a bildirilib ki, davam etdirilən tədbirlərlə S. Əliyevin evindən narkotik vasitə olan heroin və marixuana da aşkar edilərək götürülüb.
Araşdırmalar zamanı S. Əliyevin Cinayət Məcəlləsinin 178-ci (dələduzluq) maddəsi ilə axtarışda olduğu da müəyyənləşib.
Əməliyyat-axtarış tədbirlərinin davamı olaraq T. Əliyevin idarə etdiyi “Lada-Priora” markalı avtomobildən 1 ədəd pnevmatik tüfəng, 1 ədəd bıçaq və pnevmatik tüfəngə aid patron, habelə onun tanışı, Şuşa şəhər sakini Eynulla Mustafazadənin idarə etdiyi “Range-Rover” markalı avtomobildən 1 ədəd qaz tapançası, 4 ədəd dəyənək və 1 ədəd bıçaq aşkar edilərək götürülüb.
Lənkəran Şəhər-Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində isə Yuxarı Nüvədi kəndi ərazisində kənd sakini Rüstəm Əkbərovun kultivasiya yolu ilə yetişdirdiyi 41 ədəd çətənə kolu aşkarlanıb. Davam etdirilən tədbirlərlə onun evindən əlavə olaraq 2 kiloqram 300 qram marixuana götürülüb.
Xaçmaz Rayon Polis Şöbəsinin əməkdaşları Xudat şəhər sakini Cavid Əlimuradovun həyətyanı sahəsindən kultivasiya yolu ilə yetişdirilmiş 11 ədəd çətənə kolu və 528 qram marixuana götürüblər.
Faktlarla bağlı rayon polis şöbələrində cinayət işləri başlanılıb.
