Xüsusi Dövlət Mühafizə Xidmətinin əməkdaşına qarşı dələduzluq edən şəxslərin məhkəməsi
Xətai Rayon Məhkəməsində Xüsusi Dövlət Mühafizə Xidmətinin hərbi qulluqçusuna qarşı dələduzluq edən şəxslərin məhkəməsi başlayıb.
“Ölkə.Az”ın məlumatına görə, cinayət məcəlləsinin 178.2.1 (dələduzluq) maddəsi ilə təqsirləndirilən Yusifov Pərviz Səməndər oğlu və Atakişiyev Ramil Əliş oğlunun məhkəmə prosesinə hakim Habil Məmmədov sədrlik edəcək. Cinayət işində zərərəçəkmiş qismində Xüsusi Dövlət Mühafizə Xidmətinin hərbi qulluqçusu, gizir Əliyev Yalçın Gülhüseyn oğlu tanınıb.
Xatırladaq ki, 2015-ci ildə təqsirləndirilən şəxslərdən Pərviz Yusifov barəsində eyni maddənin ağır bəndi ilə Bakı Ağır Cinayətlər Məhkəməsində cinayət işi olub. Belə ki, P.Yusifov 2 nəfər- Rasim Məmmədov və Mehman Məmmədov adlı vətəndaşlardan 30 və 50 min manat pul alaraq dələduzluq edib.
