Mətn ölçüsü:
  • 100%

Keçmiş təhsil naziri 118 nömrəli məktəbdə baş verən olaydan danışdı

"Gərək direktorlar işə qəbul ediləndə onların danışıq qabiliyyəti də yoxlanılsın"

Bir neçə gün bundan öncə Bakının Suraxanı rayonu, Hövsan qəsəbəsi sakinləri 118 saylı orta məktəbin qarşısında etiraz aksiyası keçirmişdi. Adı qalmaqalda hallandırılan məktəb direktoru barədə Ölkə.az-a danışan keçmiş təhsil naziri Firudin Cəlilov bu cür halların yolverilməz olduğunu bildirdi.

"Direktor olanda nə olar ki, görünür qabiliyyətsiz adam olub. Mən prosesə nəzər salanda gördüm ki, bu fərdi məsələdir. Amma istənilən halda müəllimə, xüsusən də, məktəb direktoruna bu cür sözlər yaraşmır. Bu yolverilməz haldır. Gərək direktorlar işə qəbul ediləndə onların danışıq qabiliyyəti yoxlanılsın. Qısacası ağıllı adam bu cür sözlərdən istifadə etməz".

Xatırladaq ki, sözügedən məsələ tam araşdırılana qədər məktəb direktoru Qardaşxan Səlimov vəzifəsinin icrasından kənarlaşdırılıb. Hazırda məktəb Bakı Şəhəri üzrə Təhsil İdarəsinin əməkdaşına həvalə olunub. Hadisə zamanı dünyasını dəyişən Elmar Əliyevin ölüm səbəbi isə müvafiq hüquq-mühafizə orqanları tərəfindən araşdırılır.

Fatimə İbrahimova
Ölkə.az