Sevil və Sevinc bacılarının etdiyi hərəkətə reaksiya gəldi

"Nə caza verilməsindən asılı olmayaraq, onun mənəvi cəzası daha ağır olmalıdır".

Xəzər televiziyasında yayımlanan “Hər şey daxil” verlişinin aparıcıları Sevil və Sevinc bacılarının dövlətimizin atributlarından olan milli valyutamıza qarşı etdikləri hörmətsizliyi media hüququ üzrə ekspert Ələsgər Məmmədov Ölkə.az-a verdiyi açıqlamasında şərh edib.

"Televiziya minlərlə insanın birbaşa görəbiləcəyi informasiya mənbəyidir.

Bu gün baş verən hadisəyə gəlincə, əlbəttə pul dövlətin rəmzidir və pulun üzərində müxtəlif simvollar var. Bununla yanaşı onun üzərində həm də Azərbaycan xəritəsi öz əksini tapıb. Bu baxımda onun cırılması doğru davranış deyil. Bu hadisənin efirdə baş verməsi isə heç doğru hal deyil.

Mən düşünürəm ki, bu hadisəyə görə nə caza verilməsindən asılı olmayaraq, onun mənəvi cəzası daha ağır olmalıdır".

Xatırladaq ki, Xəzər televiziyasında yayımlanan “Hər şey daxil” verlişində bu gün Azərbaycanın dövlət rəmzini təhqir edən hərkətə yol verilib.

Xatırladırıq ki, aparıcılar, Sevil və Sevinc bacıları verilişin gedişi zamanı dövlət rəmzlərimizdən biri olan Azərbaycan manatına qarşı hörmətsizlik edirək onu cırıb ayaq altına atıblar.

Fatimə İbrahimova
Ölkə.az