Xəzər televiziyası üzr istədi

Ölkə.Az saytı bildirir ki, Xəzər televiziyası 2007-ci ildə “Ailənizin Xəzəri ” devizi altında yayım fəaliyyətinə başlayıb. Fəaliyyətə başladığı qısa müddət ərzində böyük tamaşaçı auditoriyasının rəğbətini qazanıb.

Hər zaman milli–mənəvi dəyərlərin qorunması və təbliği, soy- kökə bağlılıq, dövlətçilik, vətənpərvərlik ruhunda tərbiyə əsas məqsədimizdir.

Bu gün Xəzər televiziyasında yayımlanan “Hər şey daxil” verilişində arzuolunmaz hal baş verdi. Belə ki, aparıcı ifa etdiyi “Borc ver” mahnısının təsirində qalaraq ifasını səhnələşdirmək istəmiş və bu zaman qeri-ixtiyari olaraq milli valyutamız olan manatı cırıb.

Məsələ ilə bağlı Xəzər televiziyası rəhbərliyi dərhal toplantı keçirmiş və bu addım qətiyyətlə pislənilib, və aşağıda adları çəkilən əməkdaşlar cəzalandırılıb.

Aparıcı: Səfərova Sevinc
Rejissor: Məmmədova Sevinc

Baş verən hadisəyə görə üzr istəyirik.

Xəzər Televiziyasının sözçüsü Aqşin KAMAL

Ölkə.Az