Həftənin icmalı
Azərbaycanda dərman reklamı ilə bağlı yeni qadağalar
23.01.2015 16:58
Azərbaycanda dərman vasitələrinin reklamı ilə bağlı yeni qadağaların tətbiqi nəzərdə tutulur.
Milli Məclisdən verilən məlumata görə, bu, parlamentin fevralın 2-də keçiriləcək iclasında müzakirə ediləcək “Reklam haqqında” qanun layihəsində qeyd edilir.
Yeni qanun layihəsinə əsasən, Azərbaycanda yalnız həkim resepti olmadan buraxılan, müvafiq icra hakimiyyəti tərəfindən sertifikatlaşdırılmış dərman vasitələri, istifadəsi və tətbiqi müvafiq icra hakimiyyəti orqanı tərəfindən qadağan olunmamış tibbi təyinatlı texnika, müalicə, profilaktika, diaqnostika və reabilitasiya metodları reklam oluna bilər.
Azərbaycanda daha çox kişilər ölür
23.01.2015 13:16
Azərbaycanda ölüm səviyyəsi göstəricisi ümumilikdə və bütün yaş qruplarında qadınlara nisbətən kişilər arasında üstünlük təşkil edir.
Dövlət Statistika Komitəsindən verilən məlumata görə, 25 yaşdan başlayaraq isə bu fərq nəzərəçarpacaq dərəcədə artır. Bu baxımdan yalnız 85 və yuxarı yaşda olanlar istisnalıq təşkil edir.
Komitədən bildirilib ki, bütövlükdə oğlan uşaqları arasında ölüm halları qız uşaqlarına nisbətən daha yüksəkdir. 2013-cü ildə Azərbaycanda 5-9, 10-14 yaşlı uşaqların ölüm halları artıb. 2013-cü ildə Azərbaycanda 1 yaşadək uşaqların ölüm halları (1862) 2012-ci ilə nisbətən (1884) azalsa da, 1-4 yaşlı uşaqların ölüm halları çoxalıb.
İstehlakçı hüququ: Alınan mallar geri qaytarıla bilər
22.01.2015 19:30
Əvvəllər bəzi ticarət obyektlərində “Alınan mallar geri qaytarılmır” sözləri yazılmış lövhələrə tez-tez rast gəlirdik.
Aidiyyəti dövlət qurumlarımın müdaxiləsindən sonra bu cür “bidirişlərlə” çox az hallarda qarılaşsaq da, “köhnə ənənələri” davam etdirən ticarət obyektləri hələ də “tapılır”.
“Sosial-İqtisadi və Ekoloji İnkişaf” İctimai Birliyinin sədri Rahilə Mehdiyeva bildirib ki, belə ki, mağazalardan alınan malların keyfiyyəti alıcıları qane etmədikdə, qüsurlar aşkar edildikdə həmin malları geri qaytarmaq ciddi problemə çevrilir. Belə ki, satıcı malın başqası ilə əvəz edilməsi, geri qaytarılması tələbi ilə razılaşmadıqda istehlakçılar xoşagəlməz hallarla rastlaşırlar. İstehlakçılar isə öz hüquqlarını lazımi səviyyədə bilmədiyindən zərər çəksə də, vəziyyətlə barışmalı olurlar.
Metroda ticarət obyektləri bərpa edilir
22.01.2015 15:06
Metro stansiyalarında ticarət köşkləri bəpra olunabilər. Artıq “Koroğlu” stansiyasında bir ticarət köşkü tikilib. O, yaxın günlərdə istifadəyə veriləcək.
Ölkə.Az-ın virtualaz.org-a istinadla verdiyi məlumata görə, “Bakı Metropoliteni” QSC-də ticarət köşklərinin ləğv edilməsindən sonra ilk dəfə olaraq “Koroğlu” metrosunda ticarət obyekti açılır. Əldə etdiyimiz məlumata görə, obyekt gül salonu kimi fəaliyyət göstərəcək.
Azərbaycan MN: Yanvarın əvvəlindən Ermənistan ordusunun 8 hərbçisi məhv edilib
21.01.2015 18:30
"İşğal edilmiş ərazilərimizdən, Dağlıq Qarabağdan olan və zorla cinayətkar silahlı dəstələrə cəlb olunmuş ermənilər arasında itkilər isə gizlədilir"
“Ermənistandakı son hadisələr göstərir ki, onlar cəbhədə müvəffəqiyyət qazana bilmədiklərindən dezinformasiya xarakterli məlumatlar yaymaqla Azərbaycan tərəfini informasiya mübarizəsinə çəkməyə çalışırlar”. Bu barədə APA-nın sorğusuna cavab olaraq Azərbaycan Müdafiə Nazirliyinin mətbuat xidmətindən bildirilib.
Nazirlikdən bəyan edilib ki, Ermənistandakı hərc-mərclik, ordudakı döyüş və qeyri-döyüş itkilərinin sayının çoxalması işğalçı dövlətin hərbi-siyasi rəhbərliyinin imicinə sarsıdıcı zərbə vurmaqla yanaşı, onları psixoloji tarazlıqdan çıxarır: “Bu cür vəziyyət Ermənistanın hərbi komandanlığının özünü qeyri-adekvat aparmasına səbəb olur, onların cəbhədəki vəziyyəti xeyirlərinə dəyişmək məqsədilə tələm-tələsik, səhv qərarlar verərək uğursuz kəşfiyyat-təxribat əməliyyatları keçirməyə cəhd göstərməsinə və bununla da mənasız itkilərin sayının artmasına şərait yaradır”.
Azərbaycanda yeni telekanal açılır
21.01.2015 12:41
Bu kanal uşaq və gənclərin intelektual fəaliyyətlərinin dəstəklənməsi və cəmiyyətin inkişafında təhsilin rolunun daha dərindən dərk olunması məqsədi ilə təşkil olunacaq
Azərbaycanda yeni televiziya yaradılacaq. Ölkə.Az Lent.az-a istinadən xəbər verir ki, bununla bağlı müddəa prezident İlham Əliyev tərəfindən təsdiqlənən “Azərbaycan Respublikasında təhsilin inkişafı üzrə Dövlət Strategiyası”nın həyata keçirilməsi ilə bağlı Fəaliyyət Planı”ında öz əksini tapıb.
Azərbaycan dünyanın ən güclü orduları siyahısında
21.01.2015 11:34
Ermənistan isə ümumiyyətlə, siyahıya düşməyib.
Azərbaycan ordusu dünyanın ən güclü ordusu reytinqində 50-ci yeri tutub.
Bu barədə Global Firepower təşkilatının elektron səhifəsində bildirilib.
Global Firepower Index reytinqi dünyada ən məşhur və nüfuzlu reytinq hesab edilir. GFP məlumat bazasının məqsədi dünya silahlı qüvvələri haqqında informasiya toplamaq, təhlil etmək və çıxarışlar etməkdir.
Ödənişli ali təhsil sistemi ləğv edilir
20.01.2015 11:37
Azərbaycanda təhsil sisteminin tənzimlənməsinin və dövlət təhsil sektorunun idarə edilməsinin beynəlxalq təcrübə əsasında təkmilləşdirilməsi, təhsil pillələri və səviyyələrinin beynəlxalq təcrübəyə uyğunlaşdırılması istiqamətində atılacaq addımlar müəyyənləşib.
20 Yanvar faciəsindən 25 il ötdü
20.01.2015 09:03
Azərbaycanda Ümumxalq hüzn günü elan olunub.
Azərbaycanda 1990-cı il yanvarın 20-də baş vermiş faciədən 25 il keçir.
Ölkə.Az xəbər verir ki, bununla bağlı Azərbaycanda Ümumxalq hüzn günü elan olunub.
Azərbaycanın hökumət və dövlət nümayəndələri, diplomatik korpusun təmsilçiləri, sıravi vətəndaşlar 20 Yanvar faciəsinin qurbanlarının dəfn olunduğu Şəhidlər Xiyabanını ziyarət edəcəklər. Vətəndaşlar 20 saylı orta məktəbin qarşısından Parlament prospekti ilə Şəhidlər Xiyabanı istiqamətində hərəkət edəcəklər.
Azərbaycanda 50 yaşdan sonra ana olanların sayı artır
19.01.2015 18:05
Azərbaycanda 50 və yuxarı yaşda olan qadınlar tərəfindən dünyaya uşaq gətirilməsi halları artıb.
Dövlət Statistika Komitəsindən verilən məlumata görə, Azərbaycanda bu yaşda olan qadınlar tərəfindən (2014-cü ilin statistikası hələ açıqlanmayıb) 2013-cü ildə 46, 2012-ci ildə 42, 2011-ci ildə 24, 2010-cu ildə 32, 2009-cu ildə 11, 2008-ci ildə 17 uşaq dünyaya gəlib. 1995-ci ildə isə 50 və yuxarı yaşda olan qadınlar tərəfindən 6 uşaq doğulub.
50 və yuxarı yaşda olan qadınlar tərəfindən doğulan uşaqların çoxu şəhər yerlərinin payına düşür. 2013-cü ildə bu yaşlı qadınlar tərəfindən şəhər yerlərində 33, kənd yerlərində 13 uşaq dünyaya gəlib.
Azərbaycan əhalisinin sayı açıqlandı
19.01.2015 14:38
Ötən il dekabrın ayının 1-nə olan vəziyyətə görə, Azərbaycan əhalisinin sayı 106,1 min nəfər və ya 1,1 faiz artaraq 9 583,2 min nəfərə çatıb.
Dövlət Statistika Komitəsindən verilən məlumata görə, əhalinin sıxlığı bir kvadrat kilometrə 111 nəfər olub. Hazırda hər 1000 nəfər kişiyə 1011 qadın düşür. Ümumi əhali arasında şəhər əhalisinin xüsusi çəkisi 53,2 faiz, kənd əhalisinin xüsusi çəkisi isə 46,8 faiz təşkil edir.
Komitədən bildirilib ki, son illər doğum səviyyəsi yüksək olaraq qalmaqdadır. Belə ki, cari ilin 11 ayı ərzində ölkədə 156,2 min körpə dünyaya göz açıb. Əhalinin hər 1000 nəfərinə hesabı ilə doğulanların sayı 18 təşkil edib. Doğulanların 53,6 faizi oğlan, 46,4 faizi isə qız uşaqlarıdır.
Ötən ilin əvvəlindən ölkədə 50,9 min ölüm halı qeydə alınıb və əhalinin hər 1000 nəfərinə hesabı ilə bu göstərici 5,9 olub.
Aksiyaya görə direktor işdən çıxarıldı — Rəsmi açıqlama
19.01.2015 14:19
Bakı Şəhəri üzrə Təhsil İdarəsi Hövsandakı 118 nömrəli məktəbdə baş verən aksiya ilə bağlı məlumat yayıb.
Bakı Şəhəri üzrə Təhsil İdarəsi 118 nömrəli tam orta məktəbin ətrafında baş verən hadisə ilə əlaqədar bildirir ki, hazırda idarənin əməkdaşları sözügedən məktəbdədir. Məsələ tam araşdırılana qədər məktəbin direktoru Qardaşxan Səlimov vəzifəsinin icrasından kənarlaşdırılıb. Məktəbin idarəolunması Bakı Şəhəri üzrə Təhsil İdarəsinin əməkdaşına həvalə olunub.
Hövsan kəndində aksiya keçirilib — ÖLƏN VAR
19.01.2015 11:54
Hövsan kəndində kütləvi aksiya keçirilir.
Ölkə.Az xəbər verir ki, musavat.com-un hadisə yerində olan reportyoru xəbər verir ki, buna səbəb 118 saylı orta məktəbin direktoru Qardaşxan Kərimovun hərəkətləri və dediyi sözlərdir. Direktorun kənd camaatını, xüsusilə də şagirdlərin valideynlərini təhqir etdiyi bildirilir.
Ölkə.az
