Müəllimlərin davası ilə bağlı

Bakı şəhəri üzrə Təhsil İdarəsi 154 nömrəli məktəbin tarix müəllimi Quliyev Yaşarın 65 yaşlı müəlliməni döyməsi ilə bağlı yayılan məlumatlara münasibət bildirib.

“154 nömrəli məktəbin direktoru kimi yayılan məlumatla bağlı bildiririk ki, Quliyev Yaşar həqiqətən də 2005-ci ildən 154 saylı məktəbin tarix müəllimidir. Haqqında məlumat gedən xanım Müəllimə Yusifova isə rəhbərlik etdiyim məktəbdə müəllimə kimi fəaliyyət göstərmir. Quliyev Yaşar işlədiyi müddətdə özünü savadlı və bacarıqlı müəllim kimi göstərib və məktəbdə tədris prosesi normal şəraitdə davam edir. Məsələyə hüquqi qiymət verildikdən sonra baxıla bilər”.

Qeyd edək ki, bu barədə milli.az saytında məlumat yayımlanıb. Məlumatda bildirlir ki, Suraxanı rayonundakı orta məktəbin müəllimi tərəfindən döyülən 69 yaşlı xanım Müəllimə Yusifova müraciət edib: “45 il müəllim işləmişəm. Məni döyərək, burnumu sındırıb tanınmaz hala salan 33 yaşlı Quliyev Yaşar Ağa oğludur. Quliyev Yaşar Suraxanı rayonu, Əmircan qəsəbəsində yerləşən 154 saylı orta məktəbdə tarix müəllimi işləyir. Xəsarətdən sonra səhhətimdə ciddi xəstəliklər yaranıb”./Qafqazinfo/

Ölkə.Az