Azərbaycanda nazirliklərin adı dəyişəcək

Azərbaycan Milli Məclisində Səhiyyə və Ədliyyə nazirliklərinin adlarının dəyişdirilməsi təklif edilir.

Bu təkliflə millət vəkili Zahid Oruc çıxış edib.

Z.Oruc qeyd edib ki, əgər Səhiyyə Nazirliyinin adı rus dilindən tərcümə olunubsa, onda gərək sağlamlığın qorunması nazirliyi olaydı: “Səhiyyə sözünü Azərbaycan vətəndaşına izah etmək mümkün deyil. O cümlədən ədliyyə. Ədliyyə sözünün mənasını bilən varmı? Bu söz "adiliyyə" sözündən, adil, ədaləti təmin edən orqan mənasından gəlirsə, bu belə də olmalı idi. Bu mənim nazirliklərə və nazirə münasibətim deyil. Hər iki qurumun rəhbəri müsbət reputasiya ilə tanınan adamlardır. Ancaq mən hesab edirəm ki, o nazirliklərin adları dəyişdirilməlidir”.(Trend)

Ölkə.Az