“GÖZÜNLƏ DUYDUQLARIN” adlı loqo sərgisi keçiriləcək
Özünün dinamik inkişaf dövrünü yaşayan Azərbaycan iqtisadiyyatı eyni zamanda, dünya iqtisadiyyatına sürətlə inteqrasiya edir.
Qlobal modernləşmə dövründə rəqabət mühitindən uğurla çıxmaq və yeni geotrendlərə uyğunlaşmaq məqsədilə şirkətlər öz brend simalarını formalaşdırmağa, onu davamlı olaraq, təkmilləşdirməyə mühüm önəm verirlər. Düzgün seçilmiş brend strategiyası müştəri məmnuniyyətinin başlıca amillərindəndir.
Çox sevindirici haldır ki bu tələblər əsasında Azərbaycanda brendləşmə sahəsinin inkişafına töhfə verən yaradıcı gənclərin sayı artmaqdadır. Ölkəmizdə bu istiqamətdə gənclərin yaradici potensialini və bacarıqlarını üzə çıxara biləcək, onlardan faydalanma imkanı yaradacaq xeyli dövlət, qeyri-dövlət və biznes qrumları vardır. Dizayn sahəsində uğurları ilə seçilən gənc peşə sahiblərinin tanıdılması və onların istedad, bacarıqlarının üzə çıxarılması hər zaman diqqət mərkəzində olmuşdur.
04 fevral 2015–ci il tarixində “Bakı Biznes Mərkəzi”ndə Azərbaycanda ilk dəfə keçiriləcək “GÖZÜNLƏ DUYDUQLARIN” adlı loqo sərgi də bu qəlibdən olan tədbirdir.
Sərgidə istedadlı gənc dizayner ELÇIN AŞUROVUN müəllifi olduğu 80 loqo nümayiş olunacaqdır. Sərginin keçirilməsində məqsəd bir-birindən fərqli kreativ loqoları ictimaiyyətlə paylaşmaq, onların insanlara dolayı və ya birbaşa yolla verdiyi şüuraltı mesajlara aydınlıq gətirməkdir. Müəllifin fikrincə, hər bir işarə bir heca, onun başqa işarələrlə işlənməsi bir söz, onun gözlə təması isə artıq bitmiş bir fikirdir. Məlumat üçün bildirək ki, müəllif Elçin Aşurov eyni zamanda “MƏN” Korporativ Brending Şirkətinin təsisçisidir.
Keçiriləcək sərgidə dövlət qrumlarının, işgüzar dairələrin, mədəniyyət və incəsənət sahəsinin nümayəndələri və ictimai sahədə fərqlənən QHT rəhbərləri iştirak edəcək.
Sizi də böyük məmnuniyyətlə 04 fevral 2015–ci il tarixində saat 19:00 – da “Bakı Biznes Mərkəzi”ndə baş tutacaq “GÖZÜNLƏ DUYDUQLARIN” adlı ilk loqo sərgisinin açılış mərasiminə dəvət edirik.
Əlaqə vasitələri:
Telefon: (050) 682 52 52
Email: [email protected]
www.iam.az
Ölkə.Az
