Sabah hava necə olacaq?

Rayonlarda qar gözlənilir.

Fevralın 5-də Bakı və Abşeron yarımadasında arabir yağış yağacağı, günün ikinci yarısında dəyişkən buludlu olacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən Ölkə.Az-a verilən məlumata əsasən, şimal-qərb küləyi günün ikinci yarısında mülayimləşəcək.

Havanın temperaturu gecə 3-5, gündüz 6-9 dərəcə isti olacaq.

Sabah Azərbaycanın rayonlarında da havanın yağıntılı olacağı, dağlıq və dağətəyi rayonlarda isə sulu qar və qar yağacağı gözlənilir. Günün ikinci yarısından qərb rayonlarından başlayaraq yağıntılar tədricən kəsiləcək. Qərb küləyi əsəcək, gündüz ayrı-ayrı yerlərdə arabir güclənəcək.

Havanın temperaturu gecə 1 dərəcə şaxtadan 4 dərəcəyədək isti, gündüz 7-12 dərəcə isti, dağlarda gecə 2-7 dərəcə şaxta, gündüz 1 dərəcə şaxtadan 4 dərəcəyə qədər isti olacaq.

Ölkə.Az