Elşad Miri: "Bu hadisə İslamın mahiyyətinə ziddir"

"Bu cür hadisələr nə peyğəmbərin dövründə, nə də başqa peyğəmbərlərin dövründə mövcud olmayıb"

İordaniya Hərbi Hava Qüvvələrinin əsir götürülmüş pilotu Muaz əl-Kasasbeyin İŞİD silahlıları tərəfindən diri-diri yandırılması barədə xəbər vermişdik.

Dəhşətli edamla bağlı Ölkə.az-a danışan ilahiyyatçı Elşad Miri bu hadisənin İslamla heç bir əlaqəsinin olmadığını bildirib.

"Bu hadisə İslamın mahiyyətinə zidd olan bir şeydir. Hətta müəyyən bir dövrdə İslam tarixi ilə əlaqələndirilən və İmam Əliyə istinad edilən belə bir məsələ varsa da, bu yanlışdır. Belə bir durum əslində heç bir zaman olmayıb. Bu cür hadisələr nə peyğəmbərin dövründə, nə də başqa peyğəmbərlərin dövründə mövcud olub. İŞİD-çilərin dinlə əlaqələndirdiyi bu edamının əslində İslamla heç bir yaxınlığı yoxdur".

Qeyd edək ki, Kral II Abdulla işgəncə ilə qətlə yetirilən qəhrəmanın ailəsinə və İordaniya xalqına başsağlığı verib.

Məsələyə ABŞ prezidenti Barak Obamadan da reaksiya gəlib. O, Ağ Evdə etdiyi çıxışı zamanı bu videonun həqiqət olduğu halda əxlaqsızlıq və gerdə qalmışlıq adlandırıb.

Fatimə İbrahimova
Ölkə.az