Qulu Məhərrəmli: Mən nə "maral" tanıyıram, nə də "ceyran"

"Hansısa "maralın" mətbuatda geniş yer alması qeyri-peşəkarlığın göstəricisidir"

Son zamanlar ölkə gündəmini zəbt edən "Maral Tahirqızı" mövzuna Ölkə.az-a danışan tanınmış media eksperti Qulu Məhərrəmli aydınlıq gətirib. 

Qulu Məhərrəmli: "Mediada Maral Tahirqızı və digər bənzər mövzulara geniş yer ayrılmasına xeyli təəccüblənirəm. Bu ya bəsitlik, ya da ki mövzu qıtlığıdır. Hansısa "maralın" mətbuatda geniş yer alması qeyri-peşəkarlığın göstəricisidir. Mənə gəlincə, mən nə "maral" tanıyıram, nə də ki, "ceyran". Bu gündəmi düzgün müəyyənləşdirə bilməməkdir.

Hanı bizim ictimai problemlər, hanı millətin cəmiyyətin taleyi ilə bağlı olan ciddi məsələlər?! Bunlar qalıb bir yanda, götürüb bu cür mənasız, əhəmiyyətsiz, yalnız aşağı zövqlü adamlarda maraq yaradan mövzuları gətirirlər gündəliyə. Hesab edirəm ki, bu çox böyük biabırçılıqdır".

Qeyd edək ki, bir neçə gündür ölkə mediasında Maral Tahirqızının həbsi ilə bağlı silsilə xəbərlər yer almaqda davam edir.

Fatimə İbrahimova
Ölkə.az