Həftənin icmalı
Bu gün Mübariz İbrahimovun doğum günüdür
07.02.2015 10:28
Bu gün Azərbaycanın Milli Qəhrəmanı Mübariz İbrahimovun doğum günüdür. Mübariz İbrahimov 1988-ci il fevralın 7-də Biləsuvar rayonunun Əliabad kəndində anadan olub. 1994-cü ildə şəhid M.Piriyev adına Əliabad kənd orta məktəbinin 1-ci sinfinə daxil olaraq 2005-ci ildə orada orta təhsilini başa vurub.
Həmin il həqiqi hərbi xidmətə çağrılıb. Əsgəri xidmətini Daxili Qoşunların "N" saylı hərbi hissəsinin Xüsusi Təyinatlı Bölüyündə keçirib. Həqiqi hərbi xidmətini 2007-ci ildə çavuş rütbəsində başa vurub.
Bir müddət mülki işlərdə işlədikdən sonra 2009-cu ilin avqust ayında yenidən gizir rütbəsində hərbi xidmətdə çalışmağa başlayıb. Bir müddət sonra öz arzusu ilə cəbhə bölgəsindəki hərbi hissələrdən birində xidmət etməyə başlayıb.
Təsdiq edilməmiş versiyalara görə 19 iyun 2010-cu il tarixində gecə saat 23:30 radələrində gizir Mübariz İbrahimov təkbaşına iki ordu arasındakı bir kilometrlik minalanmış sahəni keçir. Ermənistan Silahlı Qüvvələrinin çox sayda əsgər və zabitini gözlənilməz birinci həmlədə məhv edir. Sonra isə düşmənin öz silahlarını özünə qarşı istifadə edərək 5 saat onlarla təkbətək döyüşur. Düşməni ağır itkilərə məruz qoyur, onların zəif cinahlarını üzə çıxarır. Azərbaycan döyüşçüsü səhər saatlarında qeyri-bərabər döyüşdə qəhrəmancasına şəhid olur.
Azərbaycan Prezidenti İlham Əliyev Azərbaycan Milli Ordusunun giziri Mübariz Ağakərim oğlu İbrahimova "Azərbaycanın Milli Qəhrəmanı" adının (ölümündən sonra) verilməsi barədə sərəncam imzalayıb. Şəhid gizirə bu ad Azərbaycan Respublikasının müstəqilliyinin və ərazi bütövlüyünün qorunub saxlanılmasında müstəsna xidmətinə və göstərdiyi rəşadətə görə verilib. Prezidentin başqa bir sərəncamı ilə Milli Qəhrəman Mübariz Ağakərim oğlu İbrahimovun xatirəsini əbədiləşdirmək məqsədilə aşağıdakılar qərara alınmışdır:
1. Azərbaycan Respublikasının Nazirlər Kabineti Biləsuvar rayonunun orta məktəblərindən birinə Mübariz İbrahimovun adının verilməsini təmin etsin.
2. Biləsuvar Rayon İcra Hakimiyyəti Biləsuvar rayonunda küçələrdən birinə Mübariz İbrahimovun adının verilməsini təmin etsin.
"Azərbaycanın Milli Qəhrəmanı M.A.İbrahimovun xatirəsinin əbədiləşdirilməsi haqqında" Azərbaycan Respublikası Prezidentinin 2010-cu il 22 iyul tarixli 1040 nömrəli Sərəncamının 1-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alınmışdır:
Biləsuvar Rayon İcra Hakimiyyətinin Azərbaycan Respublikasının Təhsil Nazirliyi ilə razılaşdırılmış təklifini nəzərə alaraq, Biləsuvar şəhərindəki lisey-məktəb kompleksinə Azərbaycanın Milli Qəhrəmanı Mübariz Ağakərim oğlu İbrahimovun adı verilsin.
"Palmali" Şirkətlər Qrupunun prezidenti Mübariz Mənsimov tankerlərindən birinə Azərbaycanın Milli Qəhrəmanı Mübariz İbrahimovun adını verib. Mübariz İbrahimovun adını daşıyan gəmi 2010-cu ilin oktyabr ayının 15-də Türkiyədə "Beşiktaş" gəmiqayırma zavodundan suya endirilib. Türkiyədə suya endirilmiş bu gəmi hazırda Milli Qəhrəman Mübariz İbrahimovun adını dünya sularında tanıdır.
Bundan başqa Milli Qəhrəman Çingiz Mustafayev Fondu və "ANS" Şirkətlər Qrupu Azərbaycanın ərazi bütövlüyü uğrunda göstərdiyi şəxsi fədakarlığa, Döyüş tapşırığını yerinə yetirərkən nümayiş etdirdiyi yüksək peşəkarlığa, Azərbaycan xalqınının döyüş ruhunun sarsılmazlığını sübut etdiyinə, Qəhrəmancasına şəhid olub şəxsi nümunəsi ilə cəmiyyətdə vətənpərvərlik ruhunu daha da möhkəmləndirdiyinə, Azərbaycan döyüşçüsünün Qarabağın işğalı ilə heç vaxt barışmayacağını bəyan edən dövlətimizin iradəsini nəyin bahasına olursa-olsun yerinə yetirməyə hazır olduğunu sübut etdiyinə görə, Azərbaycanın Milli Qəhrəmanı Mübariz İbrahimovu “2010-cu ilin adamı” elan edib.
2013-cü ilin mart ayında Türkiyənin ictimai kanalı TRT-də nümayiş olunan və “Sakarya Fırat” serialında Milli qəhrəmanımız şücaətindən bəhs edilmişdi.
Şəhid Mübariz İbrahimovun ailəsinə son məktubu
"Canım, atam və anam. Məndən sarı darıxmayın. İnşallah, cənnətdə görüşəcəyik. Mənim üçün bol-bol dua edin. Vətənin dar günündə artıq ürəyim dözmür. Allaha xatir bunu etməliyəm. Ən azından ürəyim sərinlik tapar. Şəhid olanadək bu şərəfsizlərin üzərinə gedəcəyəm. Şəhid olsam – ağlamayın. Əksinə, sevinin ki, o mərtəbəyə yüksəldim. Allaha ibadətlərinizi dəqiq yerinə yetirin. Çoxlu sədəqə verin. Seyid nəvəsi olaraq bunu etməliyəm. Allah böyükdür. Vətən sağ olsun. Oğlunuz Mübariz. Haqqınızı halal edin".
Qubad İbadoğlu Müsavatdan çıxarıldı
06.02.2015 20:58
Bu gün Müsavat Partiyasının Divanında başqanlığa sabiq namizəd Qubad İbadoğlu ilə bağlı məsələ müzakirə olunub.
Divanın iclasından öncə partiya rəhbərliyi ilə Qubad İbadoğlu arasında onun toplantiya qatılması ilə bağlı razılaşma əldə edilib. Müsavat Partiyası yaxın günlər üçün bəzi xarici səfərləri olan Qubad İbadoğlunun iclasa qatılmasına şərait yaratmaq üçün Divanın toplantısının vaxtını da dəyişib.
Baş prokuror: "Ölkədə qəsdən adam öldürmə cinayətlərinin sayı artıb"
06.02.2015 18:35
Azərbaycanda qəsdən adam öldürmə cinayətlərinin sayı artıb.
APA-nın məlumatına görə, bu barədə Baş prokuror Zakir Qaralov Baş Prokurorluqda ötən ilin yekunlarına həsr olunmuş geniş kollegiya iclasında bildirib.
O qeyd edib ki, hesabat dövründə cinayətkarlığa qarşı mübarizə sahəsində terrorçuluq, müxtəlif xarakterli ekstremizm təzahürlərinə qarşı həyata keçirilən mübarizə tədbirləri də diqqət mərkəzində saxlanılıb, bu qəbildən olan cinayət işlərinin istintaqı zamanı bütün təqsirli şəxslərin ifşa olunaraq məhkəmə məsuliyyətinə verilməsi ilə yanaşı, cinayəti doğuran səbəb və şəraitin aşkarlanaraq müvafiq qabaqlayıcı tədbirlərin görülməsi təmin edilib.
MTRŞ-nin səlahiyyətləri artırılır
06.02.2015 14:34
Azərbaycan Milli Televiziya və Radio Şurasının səlahiyyətləri artırılır.
Bu məsələ Milli Məclisin Mədəniyyət komitəsinin bu gün keçirilən iclasında müzakirə edilən “Teleiziya və radio yayımı haqqında” Azərbaycan Respublikasının Qanununa dəyişikliklərdə əksini tapıb.
Dəyişikliklər haqqında məlumat verən Milli Məclis Aparatının Sosial qanunvericilik şöbəsinin müdiri Adilə Abbasova qeyd edib ki, bu dəyişikliklərdə Azərbaycan Milli Televiziya və Radio Şurasının səlahiyyətlərinin artırılması nəzərdə tutulur.
Cəbhədə iki erməni hərbçisi məhv edildi
06.02.2015 10:49
Cəbhə xəttində provokasiya yaradan Ermənistan Silahlı Qüvvələrinin iki hərbçisi öldürülüb.
Ötən gün saat 16:15 radələrində Qarabağ cəbhəsində baş vermiş atışmada Ermənistan Ordusunun əsgəri, 1990-cı il təvəllüdlü Şekspir Mhitaroviç Akopyan öldürülüb.
Ermənilərə məxsus internet saytları ötən gün saat 20:00 radələrində daha bir hərbi qulluqçunun cəbhədə öldürülməsi barədə məlumat yayıb. Lakin həmin şəxsin kimliyi barədə məlumat verilməyib.
İlham Əliyev Almaniyaya səfərə yollandı
05.02.2015 22:07
Prezident İlham Əliyev Almaniyaya səfərə gedib.
Fevralın 5-də Azərbaycan Respublikasının Prezidenti İlham Əliyev və xanımı Mehriban Əliyeva Almaniya Federativ Respublikasına işgüzar səfər ediblər.
Prezident və xanımı 51-ci Münhen Təhlükəsizlik Konfransında iştirak edəcəklər.
Dövlət Torpaq və Xəritəçəkmə Komitəsi ləğv edildi
05.02.2015 19:01
İlham Əliyev Azərbaycan Respublikasının Dövlət Torpaq və Xəritəçəkmə Komitəsinin ləğv edilməsi haqqında Fərman imzalayıb.
Vətəndaşlıq haqqında qanun dəyişdirildi
04.02.2015 20:31
Azərbaycan prezidenti İlham Əliyev “Azərbaycan Respublikasının vətəndaşlığı haqqında”Azərbaycan Respublikasının Qanununda dəyişiklik edilməsi barədə” Azərbaycan Respublikasının 2014-cü il 30 dekabr tarixli 1161-IVQD nömrəli Qanununun tətbiqi haqqında fərman verib.
Bununla bağlı aşağıdakı göstərişlər verilib:
1. Azərbaycan Respublikasının Nazirlər Kabineti:
1.1. Azərbaycan Respublikası qanunlarının və Azərbaycan Respublikası Prezidentinin aktlarının “Azərbaycan Respublikasının vətəndaşlığı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;
1.2. Azərbaycan Respublikası Nazirlər Kabinetinin normativ hüquqi aktlarının həmin Qanuna uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;
1.3. mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;
1.4. həmin Qanundan irəli gələn digər məsələləri həll etsin.
2. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların “Azərbaycan Respublikasının vətəndaşlığı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının Qanununa uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.
3. Müəyyən edilsin ki, “Azərbaycan Respublikasının vətəndaşlığı haqqında” Azərbaycan Respublikası Qanununun 15-1-ci maddəsinin üçüncü hissəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Dövlət Miqrasiya Xidməti həyata keçirir.
Azərbaycanda özəl qəbiristanlıqlar yaradılır
04.02.2015 19:30
“İstədiyi formada abidə qoya bilərlər”.
Azərbaycanda çoxdandır müzakirə mövzusu olunan məzarlıqlar və məzar daşları ilə bağlı sənəd yaxın vaxtlarda qüvvəyə minə bilər.
Ölkə.Az xəbər verir ki, Milli Məclisin Sosial siyasət komitəsinin sədr müavini Musa Quliyev Trend-ə bildirib ki, məzarlıqlar və məzar daşları ilə bağlı layihə Dini Qurumlarla İşlər üzrə Dövlət Komitəsi tərəfindən hazırlanıb və Nazirlər Kabinetinə göndərilib.
Hazırda ona Nazirlər Kabinetində baxıldığını vurğulayan M.Quliyev qeyd edib ki, sənəd ya qanun kimi qəbul oluna, ya da Nazirlər Kabinetinin qərarı ilə əsasnamə kimi təsdiq edilə bilər
Ramiz Mehdiyevə ağır itki üz verdi
04.02.2015 17:16
Mərhum bu gün torpağa tapşırılıb.
Prezident Administrasiyasının rəhbəri Ramiz Mehdiyevin ailəsinə ağır itki verib.
Ölkə.Az modern.az-a istinadən xəbər verir ki, Ramiz Mehdiyevin qardaşı Mais Mehdiyev vəfat edib.
Mərhum bu gün torpağa tapşırılıb.
Allah rəhmət eləsin!
Lütfi Zadənin ad günüdür
04.02.2015 12:35
Bu gün azərbaycanlı alim, süni intellekt sahəsində qeyri-səlis məntiq nəzəriyyəsinin banisi, Kaliforniya Berkli Universitetinin professoru Lütfi Zadənin ad günüdür.
L.Zadə bu ali təhsil müəssisəsinin ömürlük professoru seçilmiş yeganə şəxsdir. Amerikadakı Azərbaycan diaspor təşkilatlarının fəxri sədridir.
Lütfi Zadə bir çox xarici ölkə akademiyasının üzvüdür. O, çoxlu sayda mötəbər cəmiyyətlərin və fondların mükafatlarına layiq görülmüş, medallarla təltif edilib. Onlarla xarici dövlət və ictimai təşkilatların fəxri doktorudur. Lütfi Zadə dünyada əsərlərinə ən çox istinad edilən alimlərdən sayılır. Təkcə 1990-2000-ci illərdə onun əsərlərinə 36000-dən çox istinad edilib. Kaliforniyanın Berkli şəhərində "İnformasiya Texnologiyaları üzrə Zadə İnstitutu" yaradılıb.
Bakıda xüsusi polis qrupu yaradıldı
04.02.2015 12:05
Paytaxtın küçə və prospektlərində avtomobillərin dayanma, durma, parklanma qaydalarının pozulmasının qarşısının alınması ilə bağlı daha ciddi addımların atılması zərurəri yaranıb.
Ölkə.Az xəbər verir ki, bunu trend-ə Daxili İşlər Nazirliyi (DİN) Bakı şəhər Baş Polis İdarəsi Dövlət Yol Polisi İdarəsinin (BŞDYPİ) İctimai qurumlarla əlaqə bölməsinin rəisi, polis polkovniki Vaqif Əsədov deyib.
Prezident İlham Əliyev “KİV haqqında” qanuna dəyişiklikləri təsdiqlədi
03.02.2015 23:23
Azərbaycan prezidenti İlham Əliyev “Kütləvi informasiya vasitələri haqqında” qanuna dəyişikliklər edilməsi barədə sərəncam imzalayıb.
Sərəncama əsasən, Nazirlər Kabinetinə Azərbaycan Respublikası qanunlarının və Azərbaycan prezidentinin aktlarının “Kütləvi informasiya vasitələri haqqında” qanunda dəyişikliklər edilməsi barədə” qanuna uyğunlaşdırılması ilə bağlı təkliflərini üç ay müddətində hazırlayıb Azərbaycan prezidentinə təqdim etməlidir.
Naxçıvanda analoq TV-nin yayımı dayandırıldı
03.02.2015 18:55
Naxçıvan Muxtar Respublikasında (NMR) analoq televiziya siqnalının yayımı dayandırılıb.
Bu barədə muxtar respublikanın telekommunikasiya bazarındakı mənbə bildirib.
Agentliyin müsahibinin sözlərinə görə, analoq yayım tamamilə rəqəmsal yayımla əvəz edilib və NMR-in bütün yaşayış məntəqələri onunla əhatə olunub.
Hazırda Naxçıvan şəhərinin əhalisi sosial rəqəmsal paketdən istifadə edir. Bura bütün ümumrespublika telekanalları, Türkiyənin TRT telekanalı və 2 yerli telekanal ("Kanal-35" və "Naxçıvan TV) daxildir.
NMR ərazisində rəqəmsal siqnalın yayımı üçün 6 iri və 43 kiçik TV ötürücü quraşdırılıb.
İlham Əliyev Bakı şəhəri Vergilər Departamentini ləğv etdi
03.02.2015 11:57
Prezident sərəncam imzalayıb.
Azərbaycan Respublikası Prezidenti İlham Əliyevin fevralın 2-də imzaladığı sərəncamla Azərbaycanın Vergilər Nazirliyinin Bakı şəhəri Vergilər Departamenti ləğv edilib.
Ölkə.Az dövlət başçısının rəsmi saytına istinadən xəbər verir ki, sərəncama əsasən, Nazirliyin strukturu haqqında qərarın 3-cü hissəsi (Bakı şəhəri Vergilər Departamenti) ləğv edilib.
Vergi organlarından 4 rəis qovuldu
03.02.2015 11:27
Nazirlik məlumat yaydı.
Azərbaycanın Vergilər Nazirliyinin bir neçə vergilər idarəsinin rəhbərləri işdən çıxarılıb.
Bu barədə nazirlikdən bildiriblər.
Məlumata görə, 3, 4, 6 və 9 saylı Ərazi Vergilər İdarələrinin rəisləri vergi nəzarətini lazımı səviyyədə təşkil etmədikləri, yol verdikləri nöqsanlara görə işdən azad ediliblər.
Bundan başqa, nazirlikdən həmin vergi orqanlarının rəhbərliklərinin gücləndirildiyini qeyd ediblər.
Prezidentdən müharibə iştirakçıları ilə bağlı — SƏRƏNCAM
02.02.2015 20:54
Azərbaycan prezidenti İlham Əliyev Azərbaycan Respublikasından olan iştirakçıların “1941-1945-ci illər Böyük Vətən müharibəsində Qələbənin 70 illiyi” yubiley medalı ilə təltif edilməsi haqqında sərəncam imzalayıb.
Azərbaycan xalqı öz ordusu üçün nə qədər vəsait topladı?
02.02.2015 13:18
MN məlumat yaydı.
Azərbaycan Respublikasının Silahlı Qüvvələrinə Yardım Fonduna cari il fevralın 1-dək 60 milyon 904 min 961 manat, 211 min 791 ABŞ dolları və 593 avro vəsait yığılıb.
Bu barədə Ölkə.Az-a Müdafiə Nazirliyindən məlumat verilib.
Silahlı Qüvvələrə Yardım Fondu Azərbaycan Respublikası Prezidentinin 2002-ci il 17 avqust tarixli Fərmanı ilə yaradılıb.
Zakir Həsənov: Şəhidlərin qisası alınır
02.02.2015 10:46
Müdafiə Naziri general-polkovnik Zakir Həsənov 2 Fevral - Gənclər Günü münasibəti ilə Silahlı Qüvvələrdə xidmət edən gəncləri təbrik edib.
Ölkə.Az müdafiə nazirinin təbrikini təqdim edir:
"Hörmətli zabitlər, gizirlər, çavuşlar və əsgərlər!
Əziz gənclər!
Sizi Gənclər Günü münasibəti ilə səmimi-qəlbdən təbrik edir və Vətənimizin layiqli müdafiəçiləri kimi Sizə ən xoş arzularımı bildirirəm.
Müstəqil Azərbaycan Respublikası Gənclərinin I Forumunun təşkili və 2 Fevral Gənclər Gününün təsis olunması xalqımızın Ümummilli lideri Heydər Əliyevin adı ilə bağlıdır. Ulu Öndərin əsasını qoyduğu Dövlət Gənclər siyasəti Möhtərəm Prezidentimiz, Silahlı Qüvvələrin Ali Baş Komandanı cənab İlham Əliyev tərəfindən uğurla davam etdirilir.
Gənclərin orduya hazırlanması, milli-mənəvi dəyərlər əsasında, intellektual, fiziki və mənəvi tərbiyəsi ölkə rəhbərinin fəaliyyətində prioritetdir. Ölkəmizdə Gənclər Evləri, Olimpiya İdman Kompleksləri, idman-sağlamlıq mərkəzləri yaradılmış və gənclərin sosial problemlərinin həlli sahəsində böyük nailiyyətlər əldə olunmuşdur. Gənclərimiz beynəlxalq idman arenalarında əldə etdikləri qələbələrlə Azərbaycan bayrağını yüksəklərə qaldırırlar.
Bu gün gənclər günüdür
02.02.2015 09:15
Ölkə əhalisinin 2,8 milyon nəfərini və ya 31 faizini gənclər təşkil edir.
Bu Azərbaycanda gənclər günüdür.
Ölkə.Az oxu.az-a istinadən xəbər verir ki, 2 fevral 1997-ci ildən bu günə qədər hər ilin bu günü Azərbaycanda gənclər günü kimi qeyd olunur.
Azərbaycanda yaşı 14-dən 29-a qədər olan əhali kateqoriyası gənc sayılır.
Dövlət statistika komitəsinin verdiyi məlumata görə, ölkə əhalisinin 2,8 milyon nəfərini və ya 31 faizini gənclər təşkil edir.
Onların 49 faizi kişi, 51 faizi isə qadınlardır.
“Washington Times” Azərbaycandan yazdı
02.02.2015 00:22
“Amerikanın Azərbaycan kimi dosta çox ehtiyacı var”.
Ölkə.Az oxu.az-a istinadən xəbər verir ki, ABŞ-ın nüfuzlu “Washington Times” qəzetinin 29 yanvar sayında Azərbaycandan bəhs edən toplu məqalələrin yer aldığı xüsusi buraxılış dərc olunub.
“Müstəqilliyini bərpa etdikdən 25 il sonra ABŞ-ın çiçəklənən müttəfiqi” başlığı altında dərc olunan məqalələr toplusunda yer almış yazıların müəllifləri arasında Azərbaycanın ABŞ-dakı səfiri Elin Süleymanov, ABŞ-da fəaliyyət göstərən Azərbaycan-Amerika Alyansının İdarə Heyətinin sədri, ABŞ Respublikaçılar partiyasının tanınmış xadimi Den Berton, ABŞ Nümayəndələr palatasının üzvləri Rendi Veber və Robert Aderholt, senator, “Caspian Group Holdings”in rəhbəri Rob Sübhani, tanınmış tədqiqatçı Aleks Vatanka və digərləri var.
Ölkə.az
