300 nəfər sudan zəhərləndi
Türkiyənin Bursa vilayətində sudan kütləvi zəhərlənmə hadisəsi baş verib.
Yenişəhər rayonunda azı 300 nəfər ürək bulantısı və baş gicəllənməsi şikayəti ilə xəstəxanalara yerləşdirilib. Məlumata görə, xəstələrdən bəzilərinin vəziyyəti ağırdır. Xəstələr arasında azyaşlı uşaqlar və ahıl insanlar da var.
Rəsmilər su anbarında aparılan yeniləmə işləri ilə əlaqədar suyu çirkəldiyini, zəhərlənməyə də məhz bunun səbəb ola biləcəyini deyiblər. Hazırda faktla bağlı istintaq araşdırması başladılıb.
Rayon xəstəxanasında palataların az olması isə, xəstələrə xidmətdə əlavə problemlərə yol açıb. Həkimlər bəzi xəstələrə dəhlizdə müdaxilə ediblər.
Ölkə.az
