TV-lərimizin qorxduğu verliş
Xalq artisti, aktyor Fuad Poladovun iştirakı ilə, yazar Aysel Əlizadənin müasir üslubda hazırladığı “Ardı var” adlı proqramı Azərbaycan telekanalları efirə verməyib.
Bunu xanım yazar öz facebook səhifəsində yazıb: “ Dostlar, nəhayət gücümüzü, sevgimizi, ruhumuzu qoyduğumuz bu veriliş APA TV-nin efirində yayınlandı. Ötən il çəkdiyimiz verilişi heç bir TV yayınlamadı. Hərə bir səbəb gətirdi, baxmayaraq ki, hamısı bəyənmişdi... Səbəbi özünüz aydınlaşdırın, baxandan sonra.”
“Brend in Baku” şirkətinin hazırladığı verilişin telekanallar tərəfindən efirə buraxılmaması böyük maraq doğurduğu üçün kiçik araşdırma apardıq. Keçmiş teleaparıcı Aysel Əlizadənin tez - tez TV proqramlarda qonaq olmasını, “Brend in Baku”nun digər layihələrinin efirlərdə yayınlanmasını nəzərə aldıqda bu qənaətə gəlmək olur ki, qadağa sevilən aktiyor Fuad Poladovla bağlıdı. Hər hansı bir siyasi tələbi olmayan və dövlət tərəfindən rəsmən qadağa ilə üzləşməyən sənətkara qarşı bu ehtiyatlı münasibəti anlamaq çətindi. Peşəkarlığı ilə seçilən, xalq artisti adına layiq görülən ustad sənətkarın “Ardı var” proqramındakı yüksək performansı, layihədəki peşəkarlıq internet izləyicilərinin böyük marağına səbəb olub.
APA TV - nin yayınladığı həmin verilişi sizə təqdim edirik:
Ölkə.az
