Metrostansiyalarda bunlar satılacaq

Bakı Metropoliteninin stansiyalarında ticarətin bərpa olunacağı haqda məlumat vermişdik.

Artıq Metropiliten rəhbərliyi gələcəkdə stansiyalarda fəaliyyət göstərəcək köşk və mağazalarda nələrin satılacağını müəyyən edib.

“Koroğlu” metrosunun piramida çıxışında olan bu ticarət obyekti “Bakı Metropoliteni” QSC yaradılmamışdan və Zaur Hüseynov sədr təyin edilməmişdən əvvəl “Bakcell”in müştəri xidmətlərinin ofisi kimi fəaliyyət göstərirdi.

“Bakı Metropoliteni” QSC-nin rəsmi açıqlamasında metronun müəyyən stansiyalarında quraşdırılacaq ticarət köşklərinin stansiyanın memarlıq üslubu ilə vəhdət təşkil edəcəyi bildirilib.

Həmin köşklər apteklər şəbəkəsi, su, qəhvə satışı və s. xidmətləri yerinə yetirən çoxfunksiyalı aparatlar, kitab ticarəti şəbəkəsi və gül salonları şəbəkəsi kimi fəaaliyyət göstərəcək.

Qeyd edək ki, metroda ticarət 2014-cü ilin mart ayından qadağan edilib. Amma yeni sədrin qərarı ilə metroda ticarət tədricən bərpa edilməkdədir.

Fotolar: Nurlan və Çinarə

Ölkə.az