"Bu hadisə Mark Zükerberqin başını aşağı edəcək"
"Mən bunu məlumatsızlıqdan doğan bir nəticə kimi qəbul edirəm"
Bir neçə gün bundan öncə facebook sosial şəbəkəsinin qondarma “Dağlıq Qarabağ Respublikası” “hökuməti”nin səhifəsini təsdiq etməsi barədə xəbər vermişdik.
Azərbaycanlıların etirazına səbəb olan hadisə barədə Ölkə.az-a Azərbaycan İnternet Forumunun prezidenti Osman Gündüz danışıb. O, baş verən hadisənin məlumatsızlıqda doğan bir nəticə kimi qəbul etdiyini bildirib.
"Düşünürəm ki, Markın bu baradə məlumatı olmayıb. Bu səhifənin Mark tərəfindən tanınması yalnız məlumatsızlıqla bağlı ola bilər. Təbii ki, bununla bağlı onun ətrafında olan komanda onu məlumatlandıra bilərdi. Bu beynəlxalq qurumlar tərəfindən tanınmayan subyektin virtual facebook səhifəsidir. Məncə, bununla bağlı aidiyyatı dövlət qurumları vaxtında münasibət bildirməlidir. Düşünürəm, elə facebook istifadəçiləri də bir toplum olaraq bu hadisəyə etirazını bildirməldir. Bu hadisə Marka başucalığı gətirməyəcək.
Arzulayardım ki, dünyada ictimai çəkiyə sahib olan insanlar bu cür addımlar atdıqda diqqətli və ehtiyyatlı olsunlar.
Mənə gəldikdə, mən bunu bir anlaşılmazlıq, məlumatsızlıqdan doğan bir nəticə kimi qəbul edirəm".
Qeyd edək ki, Dağlıq Qarabağ Azərbaycan Respublikasının ayrılmaz hissəsidir və bunu Facebook-un qanunlarına tabe olduğu ABŞ da tanıyır.
Fatimə İbrahimova
Ölkə.az
