Azərbaycanlı gənc Şimali Kiprdə yüksək vəzifəyə təyin olundu

Orxan Həsənoğlu nüfuzlu Girnə Amerikan Universitetinin Millətlərarası təhsil proqramları departamentinin direktoru vəzifəsinə təyin olunub.

Ölkə.Az-ın azxəbər.com-a istinadən məlumatına görə, Orxan Həsənoğlu mətbuata verdiyi açıqlamada, bu departamentin qısa müddətli kursların təşkilində, peşə ixtisasıın artırılması yönümündə fəaliyyət göstərəcəyini deyib.

“Biz eyni zamanda dünya təhsil turizmində ən çox tələb olunan beynəlxalq yay ingiliscə məktəbləri təşkil edəcəyik”.

Orxan Həsənoğlu yeni vəzifəyə təyin olunduqdan sonra bəzi təkliflərlə çıxış edib:

“Girnə Amerikan Universiteti bu il Azərbaycandan olan 20 bakalvr tələbəsi ilə birlikdə 10 magisturatura tələbəsinə yüz faiz təhsil haqqından azad olmaq imkanı qazandıracaq. Eyni zamanda qış semestrində ölkəmizdən gələcək tələbələr isə təhsil haqqının 75 faizindən azad olunacaq. Həmçinin yay tətilini səmərəli keçirmək və eyni zamanda ingilis dili kursu keçərək beynəlxalq sertifikata sahib olmaq istəyənlər 2 həftəlik və bir aylıq Girnə Amerikan Universitetinin təşkil edəcəyi yay düşərgəsinə qatıla bilər ki, azərbaycanlı məktəbli və tələbələr üçün də bu baxımdan güzəştli paketlər təklif olunur”.

Qeyd edək ki, Girnə Amerikan Universiteti 1985-ci ildən fəaliyyət göstərir. Hazırda universitetin Vaşiqton, İngiltərə, İstanbul və Honk-Konqda da korpusları fəaliyyət göstərir.