Həftənin icmalı
İlahiyyatçılardan 14 fevral "fətva"sı gəldi
14.02.2015 10:21
"Mən bu günü müsəlmanlar üçün uyğun hesab etmirəm"
"Biz bu günün yaranma tarixinə fikir versək anlayarıq ki, 14 fevralı qeyd etməklə çox böyük yanlışlığa yol veririk"
Bu sözləri Ölkə.az-a danışan azərbaycanlı ilahiyyatçılar deyiblər.
Qamət Süleymanov: "Bu gün dünyada Müqəddəs Valentin və Sevgililər günü kimi qeyd olunur. Bu isə o deməkdir ki, bu xristianların günüdür. Müsəlmanların bu günü qeyd etməsi haramdır. Gərək müsəlmanlar müqəddəs günlərdə öz sevgilərini bölüşsünlər. Mən bu günü müsəlmanlar üçün uyğun hesab etmirəm"
Elşad Miri: "Ümumilikdə bu cür günlərin qarşısında "müqəddəs" sözünün işlənməsi gülüncdür. Düzdür, sevgi müqəddəsdir, amma bu günün müsəlmanlara aidiyyatı yoxdur. Biz bu günün tarixinə fikir versək anlayarıq ki, 14 fevralı qeyd etməklə çox böyük yanlışlığa yol veririk"
Azərbaycanda kişilərin sayı artıb — RƏSMİ
13.02.2015 13:55
Son rəqəmlər açıqlandı.
Azərbaycanda əhalinin sayı ötən il 115,9 min nəfər və yaxud 1,2 faiz artaraq 2015-ci ilin əvvəlinə 9 milyon 593 min nəfər olub.
Ölkə əhalisinin bir kvadrat kilometrə düşən sıxlığı 111 nəfər təşkil edir. Əhalinin ümumi sayından 53,1 faizi şəhər, 46,9 faizi kənd sakinlərinin, 49,8 faizi kişilərin, 50,2 faizi isə qadınların payına düşür (2014-cü ilin fevralında bu göstərici müvafiq olaraq 49,7 və 50,3 faiz təşkil edib) və hər 1000 kişiyə 1009 qadın düşür (2014-cü ilin fevralında bu göstərici 1000 kişiyə 1011 qadın təşkil edib).
Prezidentə ən çox şikayət yazanların adları — AÇIQLANDI
13.02.2015 11:42
Azərbaycan Prezidenti Administrasiyasına ən çox müraciət edən vətəndaşların adlarını açıqlayıb.
Ölkə.Az Fins.az-a istinadən xəbə verir ki, bu barədə Azərbaycan Respublikası Prezidenti Administrasiyasının Sənədlərlə və vətəndaşların müraciətləri ilə iş şöbəsinin müdiri Süleyman İsmayılov bildirib. Onun sözlərinə görə, 2014-cü ildə Administrasiyaya təkrar və çoxsaylı müraciətlərin sayı, demək olar ki, 2 dəfəyə qədər azalıb. Bununla belə Bakının 17 nəfər, Gəncənin 8 nəfər, Ağcabədinin 5 nəfər müntəzəm yazan və bunu vərdişə çevirən sakini çoxsaylı müraciətlər yazmaqda yenə də öndədirlər.
2014-cü ildə çoxsaylı müraciətlər yazanların sayı əvvəlki ilə nisbətən xeyli azalsa da, Binəqədidən Roza Hümbətova, Zərbani Ağayeva və Əhməd Məmməd, Xətaidən Elman Heydərov, Səadət Həsənova, Svetlana Quliyeva, Nərimanovdan Kamran Rəcəbov, Əbülfəz Səfərov, Sənan Ağamirov, Nəsimidən Sevda Hüseynova, Qızılgül Məmmədova, Nizamidən Dursun Məmmədova, İsa və Aidə Cəfərovlar, Sabunçudan Olqa Smolyaninova, Azər Səfərov, Səbaildən Alya Təmrazova, İsrafil İsmayılov, Suraxanıdan Bəşir Həsənov, Yasamaldan Susanna İslamzadə, Züleyxa Fərəcova, Əjdər Hacıyev, Tofiq Məmmədov, Lənkərandan Nazim Məmmədov, Abşerondan Lətifə Zeynəddinova, Ağcabədidən Nizami Nərimanov, Zahid Musayev, Masallıdan Nərgiz Əmirova və başqaları Prezident Administrasiyasına çox müraciət yazanların siyahısındadırlar. «Onlara dəfələrlə lazımi izahat verilməsinə baxmayaraq yenə də yazırlar»-deyə məlumatda bildirilir.
Amerikanın yeni səfirindən ilk — BƏYANAT
12.02.2015 22:49
"Bu gün Bakıda olmağıma çox şadam. Tezliklә hәyat yoldaşım Ann xanım da Bakıya gәlәcәk vә biz Azәrbaycanda keçirәcәyimiz vaxtı sәbirsizliklә gözlәyirik".
Bunu hava limanında jurnalistlәrә açıqlamasında Amerika Birlәşmiş Ştatlarının Azәrbaycana yeni tәyin olunmuş sәfiri Robert Sekuta deyib. O, xüsusilә, Azәrbaycan prezidenti İlham Әliyevә etimadnamәsini tәqdim etmәyi sәbirsizliklә gözlәdiyini deyib: "Prezident İlham Әliyev etimadnamәmi qәbul etdikdәn sonra ölkә boyu Azәrbaycan xalqı ilә görüşmәk istәyirәm. Xalqın fikirlәrini eşitmәk, iki ölkә arasında nәlәrin vacib olduğu haqda onların düşüncәlәrini bilmәk istәyirәm. Ölkәlәrimizi daha çox cәlb edәcәk fәaliyyәtlәr barәsindә dә onların fikrini öyrәnmәk istәyirәm. Әminәm ki, belә görüşlәr әsnasında ölkәlәrimiz arasında anlaşma vә qarşılıqlı hörmәti güclәndirib daha möhkәm әlaqәlәr qura bilәrik".
Mehriban Əliyeva bu ordenlə təltif olunan ilk birinci xanım oldu
12.02.2015 20:21
Azərbaycanın birinci xanımı, Heydər Əliyev Fondunun prezidenti Mehriban Əliyeva Pakistan İslam Respublikasının “Hilal-e Pakistan” ordeni ilə təltif olunub.
Pakistan prezidenti Məmnun Hüseyn 11 fevral 2015-ci il tarixdə bu barədə sərəncam imzalayıb.
Qeyd edək ki, “Hilal-e Pakistan” Pakistan İslam Respublikasının ali ordenidir.
Heydər Əliyev Fondunun prezidenti Mehriban Əliyeva “Hilal-e Pakistan” ordeni ilə təltif olunan ilk birinci xanımdır.
İlham Əliyev hərbi qulluqçuları təltif etdi — SİYAHI
12.02.2015 20:12
Azərbaycan prezidenti İlham Əliyev Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin bir qrup hərbi qulluqçusunun “Hərbi xidmətlərə görə” medalı ilə təltif edilməsi haqqında sərəncam imzalayıb.
Sərənamda deyilir:
Xidməti vəzifələrini və qarşısında qoyulmuş tapşırıqları yerinə yetirərkən fərqləndiklərinə görə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin aşağıdakı hərbi qulluqçuları “Hərbi xidmətlərə görə” medalı ilə təltif edilsinlər:
Əhmədov Asəf Müzəffər oğlu – polkovnik
Əliyev Fikrət Əli Səftər oğlu – polkovnik
Şahverdiyev Mayıl Seminar oğlu – polkovnik
Babayev Azər Ələddin oğlu – polkovnik-leytenant
Baxşəliyev Ziyarəddin Ramazan oğlu – polkovnik-leytenant
Əliyev İlqar Əmiraslan oğlu – polkovnik-leytenant
Məmmədov Şaiq Bilman oğlu – polkovnik-leytenant
Rəhimov Novruz Məmməd oğlu – mayor.
XİN: Emin Hüseynov İsveçrə səfirliyində gizlənib
12.02.2015 17:52
Azərbaycan Respublikasının vətəndaşı Emin Hüseynov barəsində Azərbaycan Respublikasının Baş Prokurorluğu tərəfindən Cinayət Məcəlləsinin 192.2.2 (qanunsuz sahibkarlıq), 213.2.2 (vergi ödəməkdən yayınma) və 308.2-ci maddələrində nəzərdə tutulan ittiham elan olunmaqla, 19 avqust 2014-cü il tarixdə məhkəmənin qərarı ilə həbs qətimkan tədbiri seçilərək axtarış elan edilib.
Bunu mətbuata açıqlamasında Xarici İşlər Nazirliyinin mətbuat xidmətinin rəhbəri Hikmət Hacıyev bildirib.
Türkiyədə daha bir Xocalı abidəsi ucaldılır
12.02.2015 17:43
Türkiyənin İzmit şəhərində Xocalı abidəsi ucaldılır.
Diasporla İş üzrə Dövlət Komitəsinin mətbuat xidmətindən verilən məlumata görə, 1992-ci il fevralın 26-da Xocalı şəhərində Ermənistan silahlı qüvvələri tərəfindən törədilmiş soyqırım aktının unudulmaması və faciə qurbanlarının xatirəsinin əbədiləşdirilməsi üçün Türkiyənin Kocaeli vilayətinin İzmit şəhərində abidə ucaldılacaq. Türkiyə Azərbaycan Dərnəkləri Federasiyası (TADEF) ilə İzmit bələdiyyəsinin birgə layihəsi olan abidənin artıq inşasına başlanılıb.
Emin Hüseynov harada gizlənir? — ŞOK TƏFƏRRÜATLAR
11.02.2015 20:36
"Son altı aydır ki, İsveçrənin Bakıdakı səfirliyi azərbaycanlı jurnalist və hüquq müdafiəçisi Emin Hüseynovu qoruyur".
Bu haqda məlumat İsveçrənin Milli SRF Telekanalında yayımlanan “Rundschau” verilişin səsləndirilib. Məlumatda deyilir ki, 35 yaşlı E.Hüseynov Azərbaycan hökumətini davamlı olaraq, tənqid edib. Bu məsələ ilə bağlı yaranmış vəziyyət Azərbaycan və İsveçrə arasındakı diplomatik gərginliyi də artırır. 6 aya yaxındır RATİ-nin rəhbəri Emin Hüseynovun harada olması haqda dəqiq məlumat yox idi, onun Bakıdakı xarici səfirliklərdən birində gizləndiyi haqda yazılar dərc olunsa da məlumatı yoxlamaq mümkün deyildi.
Ordumuzdan ermənilərə daha bir zərbə
11.02.2015 12:06
Ermənistanın xüsusi təyinatlı dəstəsinin komandiri də daxil olmaqla çoxsaylı itkilər verən kəşfiyyat-təxribat qrupu geri çəkilməyə məcbur edilib.
Müdafiə Nazirliyinin mətbuat xidmətindən bildiriblər ki, düşmən qoşunların təmas xəttində Silahlı Qüvvələrimizin bölmələrinin mövqelərinə hücuma keçməyə cəhd göstərib.
Şəxsi heyətin sayıqlığı, düşmənin yaxınlaşmasının əvvəlcədən aşkar edilməsi, görülən qabaqlayıcı tədbirlər nəticəsində 2 kəşfiyyat-təxribat qrupunun qarşısı qətiyyətlə alınıb.
Erməni ordusu itki verdi
11.02.2015
Ötən gün Ermənistan ordusu daha bir itki verib.
Hadisə Ermənistanın şimal hissəsindəki hərbi hissələrdən birində baş verib.
Erməni mətbuatı saat 19:55-də 24 yaşlı S.Simonyanın xidmətdə olarkən ölümcül yara alıb. Bir qədər sonra hərbçi ölüb.
Ermənistan Müdafiə Nazirliyi insidentlə bağlı təhqiqata başlayıb.
Prezidentdən yeni təyinat
10.02.2015 14:27
Prezident İlham Əliyevdən yeni təyinat.
Dövlət başçısı "Bakıelektrikşəbəkə"nin əsasında yaradılan “Azərişıq” Açıq Səhmdar Cəmiyyətinə sədr təyin edib.
Prezidentin imzaladığı əmrlər Balababa Hüseynağa oğlu Rzayev “Azərişıq” Açıq Səhmdar Cəmiyyətinin sədri təyin edilib.
Prezident Ziya Məmmədova yeni müavin təyin etdi — SƏRƏNCAM
09.02.2015 20:11
Azərbaycan Prezidenti İlham Əliyev Arif Nəriman oğlu Əsgərovun “Azərbaycan Dəmir Yolları” Qapalı Səhmdar Cəmiyyətinin sədri vəzifəsindən azad edilməsi haqqında sərəncam imzalayıb.
Dövlət başçısının digər sərəncamı ilə A.Əsgərov Azərbaycan nəqliyyat nazirinin müavini təyin edilib.
“Azəryolservis”in sədri vəzifəsindən azad edildi
09.02.2015 18:39
Prezident İlham Əliyev C.Q.Qurbanovun “Azəryolservis” Açıq Səhmdar Cəmiyyətinin sədri vəzifəsindən azad edilməsi haqqında sərəncam imzalayıb.
Ölkə.Az Azərbaycan Respublikası Prezidentinin Sərəncamını təqdim edir:
"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
Cavid Qəmbər oğlu Qurbanov “Azəryolservis” Açıq Səhmdar Cəmiyyətinin sədri vəzifəsindən azad edilsin.
İlham Əliyev
Azərbaycan Respublikasının Prezidenti
Bakı şəhəri, 9 fevral 2015-ci il"
Dilimizə yeni sözlər əlavə edildi — SİYAHI
09.02.2015 16:52
Azərbaycan dilinə daxil ediləcək yeni sözlərin lüğəti hazırlanır.
Nazirlər Kabineti yanında Terminologiya Komissiyasının sədr müavini Sayalı Sadıqova deyib ki, artıq mütəxəssislər tərəfindən 1271 yeni söz müəyyənləşdirilib: "Yeni sözlərin müəyyənləşdirilməsi istiqamətində aparılan işlər hazırda da davam etdirilir. Yeni sözlər arasında informasiya texnologiyaları sahəsinə aid olan sözlər çoxluq təşkil edir. Yeni sözlər “Veboman”, “Verilənlər bazası”, “Vestübel”, “Vibrasiya ilə sıxlaşdırma”, “Vibrasiya söndürən”, “Vizual nəzarət”, “Kidneppinq”, “Kleym” və s-dir. Burada bu sözlərin hər biri anlayışı bildirir. Yeni sözlərin bəziləri dilimizdə tamam başqa mənalarda işlədilir. Burada isə bu sözlər yeni anlayışda təqdim edilir. Məsələn, “veboman” sözü internet konfransları və çatların iştirakçısı, internet nəşrlərinin müəllifi mənalarında təqdim edilir".
S.Sadıqova bildirib ki, bu sözlər indiyədək nə Azərbaycan dilinin orfoqrafiya, nə də izahlı lüğətlərinə daxil edilməyib. Yeni sözlərin müəyyənləşdirilməsi başa çatdıqdan sonra onların gələcəkdə hazırlanacaq orfoqrafiya lüğətlərinə daxil edilməsi planlaşdırılır.
Yeni sözlərin bəzilərini mənaları ilə birgə təqdim edirik:
KEMPİNQ – 1) avtoturistlər üçün xüsusi yay düşərgəsi. 2) əsasən, şəhərlərarası yol üstündə yerləşən, gecələmək üçün şəraiti olan yığcam, birmərtəbəli taxta və ya daş ev, kiçik hotel.
KİBERCİNAYƏTKARLIQ - kompüter sistemlərinin və şəbəkələrinin köməyi ilə, yaxud kompüter sistemlərinə və şəbəkələrinə qarşı həyata keçirilən istənilən cinayət əməlidir. Başqa sözlə, virtual mühitdə həyata keçirilən istənilən cinayət növünü “kibercinayət” adlandırmaq olar.
KİDNEPPİNQ – Uşaq oğurluğu. Ümumiyyətlə, adam oğurluğu da bu sözlə ifadə olunur.
KİOSK – interaktiv informasiyanın avtonom mərkəzi (multimedia sistemlərində).
KLEYM – 1) alıcının ona satılmış malın keyfiyyətinin pis olduğuna görə satıcıya tələbi; 2) iddia, reklamasiya.
İSTERİKA – nevroz qrupundan xəstəlik; tutmalar, əsəbi gülüş, göz yaşları ilə müşayiət olunan psixi pozğunluq.
İZOBAT – xəritədə dəniz dibinin bərabər dərinliklərində nöqtələri birləşdirən xətt. Kontinental şelfin xarici hüdudunun müəyyənləşdirilməsinin distansiya meyarının növmüxtəlifliyi kimi tətbiq edilir.
İZOKVANTA – müəyyən edilmiş həcmdə məhsul istehsalını mümkün edən müxtəlif xərc kombinasiyalarını bildirən xətt.
JAVA – elektron hesablama maşınında (EHM-də) mövcud proqramlaşdırma dillərindən biri. Yeni, müasir dillərdən hesab olunur. Əksər kompüterlərdə işləyir. Bu dildə yazılan proqramların ölçüsü xeyli kiçik, lakin sürət aşağıdır. Odur ki, bu dildə yazılan proqramlar daha çox internetdə və mobil telefonlarda geniş yayılıb.
JİM – çıxış vəziyyətindən ayaq üstə, uzanaraq, çömbəlməklə bədənin hər hansı bir hissəsinin köməyi olmadan ştanqı sinəyə və ya çiyinlərə düz qollarla yuxarı qaldırma.
JÜLEN – fransız mətbəxinə aid olan yemək növü: pendirin altında bişirilmiş göbələklər. Həmçinin jülen toyuq ətindən və dəniz məhsullarından hazırlanır.
KALKULYASİYA – istehsal edilən məhsulun və ya xidmətin maya dəyərinin hesablanması; bu məqsədlə tələb olunan bütün xərclərin pul ilə ifadəsi.
KAMBİO – borc məktubu, veksel.
KAMBİST – veksel əməliyyatları və sikkə ticarəti ilə məşğul olan şəxs.
KANTE – Ağac şəkilli sintaktik təsvirdə tərəfləri birləşdirən xətlər.
KARDİOCƏRRAHİYYƏ - Ürək cərrahiyyəsi.
Nəqliyyat sektorunda bütün tariflər ucuzlaşıb
09.02.2015 16:26
Azərbaycanda 2015-ci ilin yanvar ayında 2014-cü ilin dekabrına nisbətən nəqliyyat sektorunda həm yükdaşıma tarifləri, həm sərnişindaşıma tarifləri 6,2 faiz ucuzlaşıb.
Dövlət Statistika Xidmətindən Ölkə.az-a verilən məlumata görə, sərnişindaşıma tarifləri üzrə ötən ilin dekabr ayı ilə müqayisədə cari ilin yanvar ayında hava nəqliyyatında digər xarici ölkələr üzrə 21,3 faiz, MDB ölkələri üzrə isə dəmir yolu və hava nəqliyyatında müvafiq olaraq 9,7 və 32,6 faiz ucuzlaşma müşahidə olunub.
Davudoğlu: TANAP regionda sülhə yardım edəcək
09.02.2015 15:31
Azərbaycan və Türkiyənin birgə həyata keçirəcəyi Trans-Anadolu qaz kəmərinin (TANAP) tikintisi layihəsi regionda sülhün bərqərar olmasına yardım edəcək.
Bu barədə bazar ertəsi "Haberlersaglik" qəzeti Baş nazir Əhməd Davudoğlunun sözlərinə istinadən məlumat yayıb.
Onun sözlərinə görə, TANAP bir növ enerji Böyük İpək Yoludur: “Azərbaycan və Türkiyə bu qaz kəmərinin tikintisi ilə bağlı arzunu reallığa çevirməyi bacardılar”.
Buğdanın qiyməti artır
09.02.2015 15:16
Rəqəmlər açıqlandı.
Dünya bazarında taxılın qiymətində artım baş verib.
Bu sözləri kənd təsərrüfatı üzrə ekspert Vahid Məhərrəmov bildirib.
Onun sözlərinə görə, ərzaq buğdasının qiyməti 2,6% artıb:
“Son həftə ərzində yumşaq buğdanın qiyməti 2,8% artıb. Qiymət artımı Rusiya buğdasından da yan keçməyib. Belə ki, Rusiya istehsalı olan ərzaq buğdasının qiyməti son həftə ərzində 2,6% artıb”.
Maliyyə Nazirliyi büdcə təşkilatlarının işini asanlaşdırdı
09.02.2015 11:17
“ASAN İmza” Maliyyə Nazirliyinin Dövlət Xəzinədarlıq Agentliyinin Xəzinədarlığın İnformasiya İdarəetmə Portalına inteqrasiya edilib.
Maliyyə Nazirliyinin mətbuat xidmətindən bildiriblər ki, artıq “ASAN İmza” mobil elektron imza xidməti Azərbaycan Respublikası Maliyyə Nazirliyinin Dövlət Xəzinədarlıq Agentliyinin //portal.dxa.gov.az ünvanında yerləşən Xəzinədarlığın İnformasiya İdarəetmə Portalına inteqrasiya edilib.
İlham Əliyevdən Avropaya mesaj
09.02.2015 00:17
Münhendə, Avropanın təhlükəsizliyinin qızğın müzakirə olunduğu bir vaxtda Azərbaycan prezidenti İlham Əliyev Avropaya təhlükəsizliyin enerjidən asılı olduğunu xatırladıb. Azərbaycan prezidenti həm də avropalı tərəfdaşlarına belə bir mesaj verib ki, vaxtdır, hərəkətə keçin.
Prezident İlham Əliyev deyib: "Düşünürəm ki, bu layihəni bəzən çox vaxt aparan ümumi qayda və prosedurlardan uzaqlaşdırmaq üçün xüsusi bir yanaşma tətbiq olunmalıdır. Yalnız Azərbaycan, Türkiyə və Gürcüstanın iştirak etdiyi ilkin layihələrin icrasında bizdə çeviklik var idi. Bu layihədə də bizə eyni səviyyədə çeviklik və etibar lazımdır. Çünki TANAP, TAP, “Şahdəniz-2” layihələri böyük investisiyalardır və təkcə Azərbaycan yox, BP, Türkiyə burada ən böyük sərmayə tərəfdaşlarıdır. Beləliklə, biz bu sərmayələri geri qaytarmalıyıq. Səmimi desəm, hazırda neftin bir barrelinin qiymətinin təqribən 50 dollardan yüksək olması bu layihənin kommersiya nöqteyi-nəzərindən dayanıqlı olmasını çətinləşdirir. Bu da realizə olunmalıdır. Bu, ilk öncə, enerji təhlükəsizliyi layihəsidir. Və bu layihəyə cəlb olunan ölkələrin milli təhlükəsizliyinə xidmət edən layihə kimi yanaşılmalıdır".
Ölkə.az
