Dövlət bir məhkuma hər gün 11 avro xərcləyir
“Qidalanma ilə həbsxanalarda problem yoxdur”.
Ölkədə bir məhkuma gündə 11 avro xərclənir.
Azərbaycan Hüquq Mühafizə Mərkəzinin rəhbəri Eldar Zeynalovun qəzetə bəyan etdiyi kimi, hər bir məhkuma xərclənən pulun miqdarını dəqiq demək çətindir.
“Bir neçə il bundan öncə bu məbləğ ildə 4 min manat idi, yəni hər bir məhkuma gündə 10,9 manat düşürdü. Amma dövlət büdcəsi dəyişir, onunla bərabər məhkumlara sərf olunan xərc də.
Amma 10,9 manat məbləğindən də çıxış etsək, demək lazımdır ki, bura məhkumların yalnız fərdi xərcləri daxil deyil. Bu məbləğə həbsxana mühafizəsi, təmir, yeni həbsxana korpuslarının tikilməsi, hətta həbsxana rəisinin telefon danışıqları da daxildir.
Əgər sırf məhbusa çəkilən xərclərdən danışmaq lazımdırsa, o zaman bu məbləğə əsasən azadlıqdan məhrum edilmə müəssisələrində olan vətəndaşlar üçün nəzərdə tutulmuş qida və geyim daxil olacaq.
Hər bir məhkum üçün gündəlik xərclər bir neçə manatdan çox olmur (əgər bütün penitensiar sistem üçün xərclər nəzərə alınmazsa).
Amma qida üçün xərclər minimal olacaq, belə ki, ərzaqlar əsasən topdansatış qiymətinə alınır, yeməyi isə məhkumların özləri hazırlayır.
Yeri gəlmişkən qeyd edim ki, məhkumlar gündə üç dəfə qidalanırlar, bununla yanaşı müxtəlif kateqoriyalı məhkumlar üçün fərqli normalar mövcuddur.
Birinci kateqoriyaya istintaq təcridxanasında olanlar daxildir, fiziki əməklə məşğul olan məhbuslar, eləcə də müxtəlif xəstəliklərdən əziyyət çəkənlərə fərqli qida norması mövcuddur.
Ümumiyyətlə, əgər yerli həbsxanaların qidalanmasından danışsaq, demək lazımdır ki, bu planda problem yoxdur.
20 il əvvəl məhbuslar qidanın keyfiyyətindən və qədərindən narazı idilər, bu gün isə hüquq mühafizəçilərinə qida ilə əlaqədar praktiki olaraq heç bir şikayət daxil olmur.
Bizə bəzi məhkumların dövlət mətbuatını oxuya bilmədiklərinə, bəzilərini kamerada televizorun yüksək səsi narahat etməsinə dair şikayətlər daxil olur.
Bir müddət öncə kamerada televizor əlçatmaz arzu idi, indi isə hər şey dəyişib...”, - E.Zeynalov qeyd edib.
Onun sözlərinə görə, bu gün məhkumların uniforma ilə təchizatı məsələsində də vəziyyət tamamən dəyişib. Əgər əvvəl geyim köhnə və nimdaş idisə, bu gün bu məsələdə də vəziyyət daha yaxşıdır.
“Bir çoxları evdən gələn geyimə üstünlük verir, həm də normativlərə uyğun gəlmək elə də çətin deyil, geyim tünd rəngli və rahat qəlibli olmalıdır”, E.Zeynalov qeyd edib./Oxu.az/
Ölkə.Az
