Həftənin icmalı
Bu evlərə sənəd veriləcək
20.02.2015 20:26
“Qanunsuz sayılan bəzi tikililər tanına bilər. Mədən ərazilərində bəzi ərazilər var ki, onlara hüquqi status verilə bilər. Tikililərin sayının artmaması şərti ilə evlər sənədləşdirilə bilər”.
Bunu ARDNŞ Hüquq İdarəsinin rəisi Eldar Orucov bu gün jurnalistlərin suallarını cavablandırarkən deyib. O bildirib ki, həmin ərazilərdəki tikililər sökülsə də orada quyuların istismarı sərf etməyəcək: “Bu səbəbdən layihə üzərində iş gedir. Layihə gerçəkləşərsə ARDNŞ-nin nəzdində olan bəzi qanunsuz tikililər tanınacaq. Amma bəzi ərazilər var ki, orada quyuları belə təmir edə bilmirik. Layihə bu ərazilərə şamil olunmayacaq”.
Prezident sərəncam verdi
20.02.2015 20:14
Azərbaycan prezidenti İlham Əliyev “Kitabi-Dədə Qorqud”un alman dilində ilk tərcüməsi və nəşrinin 200 illiyinin qeyd edilməsi haqqında sərəncam imzalayıb.
Sərəncamda aşağıdakı göstərişlər verilib:
1. Azərbaycan Respublikasının Mədəniyyət və Turizm Nazirliyi Azərbaycan Respublikasının Təhsil Nazirliyi və Azərbaycan Milli Elmlər Akademiyası ilə birlikdə, Bakı Beynəlxalq Multikulturalizm Mərkəzinin, Azərbaycan Respublikasının Prezidenti yanında Bilik Fondunun və Azərbaycan Yazıçılar Birliyinin təkliflərini nəzərə almaqla, “Kitabi-Dədə Qorqud”un alman alimi Fridrix fon Dits tərəfindən ilk tərcüməsi, nəşri və dünya elm aləminə tanıdılmasının 200 illiyinə dair fəaliyyət proqramını hazırlayaraq təsdiq olunmaq üçün Azərbaycan Respublikasının Nazirlər Kabinetinə təqdim etsin.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
Nazirlik saxta diplomlu 63 həkim aşkarladı
20.02.2015 18:31
2014-cü il ərzində Azərbaycan Respublikasının Baş Prokuroru yanında Korrupsiyaya Qarşı Mübarizə Baş İdarəsinin “161-qaynar xətt” əlaqə mərkəzinə daxil olmuş 290 və Səhiyyə Nazirliyinin “Qaynar xətt” əlaqə mərkəzinə daxil olmuş 314 neqativ hal barədə şikayətə nazirlikdə baxılıb.
Ölkə.Az xəbər verir ki, Səhiyyə Nazirliyinin Hüquq və daxili nəzarət sektorundan apa-ya verilən xəbərə görə, aparılan araşdırmalar zamanı müəyyən edilmiş pozuntu faktları üzrə 176 tibb işçisi barədə məsuliyyət tədbirləri görülüb. 1 müraciət üzrə cinayət xarakterli pozuntu faktı aşkar olunduğundan, 1 tibb işçisi barədə hüquq-mühafizə orqanı vasitəsilə cinayət işi qaldırılıb.
Lamiyə Quliyeva azadlığa buraxıldı
20.02.2015 13:40
O, məhkəmə zalından azadlığa buraxılıb
Bu gün Bakı Apelyasiya Məhkəməsində Lamiyə Quliyeva barəsindəki məhkəmə hökmündən prokurorluğun verdiyi protestə baxılıb.
Hakim Qədim Babayevin sədrliyi ilə keçirilən prosesdə prokurorluğun protesti təmin edilib və hakimlər kollegiyası L.Quliyevanın azadlığa buraxılması ilə bağlı qərar qəbul edib. L.Quliyeva məhkəmə zalından azadlığa buraxılıb.
Təhsil nazirindən gözlənilməz qərar
20.02.2015 12:31
Təhsil naziri Mikayıl Cabbarov gözlənilməz addım atıb.
Nazirin əmri ilə Nərimanov rayonunda yerləşən Pişəvəri adına Humanitar Fənlər Gimnaziyası ləğv edilib. Bu haqda məlumat verən valideynlər bildiriblər ki, nazirin əmri ilə Gimnaziyanın bazasında istedadlar Liseyinin yaradılması nəzərdə tutulur. Və bu liseyə qəbul 5-ci sinfdən başlayacaq.
Hökumətdən yeni qərar — Novruz bayramı ilə əlaqədar qeyri-iş günlərinin sayı artırıldı
20.02.2015 00:34
8 gün ardıcıl istirahət.
Azərbaycanın Nazirlər Kabineti Novruz bayramı ilə əlaqədar iş və istirahət günlərinin yerlərinin dəyişdirilməsi barədə qərar qəbul edib.
Nazirlər Kabinetindən verilən məlumata görə, iş və istirahət günlərinin ardıcıl olmasını təmin etmək məqsədi ilə 2015-ci ilin 29 mart istirahət günü ilə 27 mart iş gününün yeri dəyişdirilib.
Beləliklə, indi Novruz bayramı ilə əlaqədar martın 20, 21, 22, 23, 24, 25, 26, 27-də daxil olmaqla, 8 gün ardıcıl qeyri-iş günüdür (martın 21 və 22-si şənbə və bazar günlərinə təsadüf etdiyi üçün ayın 25-i və 26-sı da qeyri-iş günlə sayılır).
Prezident “Azəryolservis”in işçilərini təltif etdi — SİYAHI
19.02.2015 20:11
Azərbaycan prezidenti İlham Əliyev “Azəryolservis” Açıq Səhmdar Cəmiyyəti işçilərinin təltif edilməsi haqqında sərəncam imzalayıb.
Yol-nəqliyyat infrastrukturunun inkişafındakı xidmətlərinə görə “Azəryolservis” Açıq Səhmdar Cəmiyyətinin aşağıdakı işçiləri təltif ediliblər:
“Şöhrət” ordeni ilə
Məmmədov Şıxverdi Süleyman oğlu.
“Tərəqqi” medalı ilə
Ağacanov Əli Sabxan oğlu
Ağalarov Şahin Ağacavad oğlu
Ağayev İsrafil Əvəz oğlu
Camalov İsmət Kamal oğlu
Cəbrayılov İlham Yasəf oğlu
Ədilov Abdulhəmid Sultan oğlu
Haqverdiyev Əhliyar İsa oğlu
Xəlilov Sakit Bəhərçin oğlu
İbişov Eyvaz Əlibala oğlu
Quliyev Teyfur Nübarək oğlu
Quliyev Tərlan Düşməl oğlu
Manafov Aydəmir Haşım oğlu
Mehdiyev Ağaşirin Məhəmməd oğlu
Məhərrəmov Fikrət Əşrəf oğlu
Məmmədov Mühiddin Qədimalı oğlu
Mustafayev Şakir Şaban oğlu.
Nəqliyyatçıların maaşı artıb
19.02.2015 19:47
2014-cü ildə Azərbaycanda nəqliyyat müəssisələrində işləyən muzdlu işçilərin orta sayı 73,5 min təşkil edib, onlardan 71,6 faizi dövlət müəssisələrində, 28,4 faizi özəl bölmədə çalışıb.
Dövlət Statistika Komitəsindən verilən məlumata görə, işçilərin 50,9 faizi yerüstü və boru kəməri, 11,7 faizi su, 16,4 faizi hava nəqliyyatı, 21,0 faizi isə köməkçi və əlavə nəqliyyat fəaliyyəti göstərən müəssisələrdə işləyib.
2013-cü illə müqayisədə nəqliyyatçıların orta aylıq əmək haqqı 0,5 faiz artaraq 538,8 manat olub, bu göstərici hava nəqliyyatında 789,3 manat, dəniz nəqliyyatında 771,3 manat, metro nəqliyyatında 613,6 manat, avtomobil nəqliyyatında 503,7 manat, dəmir yolu nəqliyyatında isə 257,1 manat təşkil edib. Əmək haqqı metro nəqliyyatında 6,6 faiz, dəniz nəqliyyatında 3,8 faiz, avtomobil nəqliyyatında isə 2,3 faiz artıb.
Ramil Usubovdan yeni təyinatlar
19.02.2015 18:25
Ramil Usubov əmr imzalayıb.
Bakı şəhər Baş Polis İdarəsində (BŞBPİ) yeni təyinatlar olub.
Bununla bağlı daxili işlər naziri, general-polkovnik Ramil Usubov müvafiq əmr imzalayıb.
Əmrə əsasən polis polkovniki Azər Abdullayev BŞBPİ-nin Katibliyin rəisi vəzifəsinə təyinat alıb. Bundan başqa, polis polkovniki Emin Məmmədov idarənin Təhqiqat Şöbəsinin rəisi vəzifəsinə təyin olunub.
Hərbi qulluqçuların mənzil təminatı ilə bağlı yeni təklif
19.02.2015 14:13
Azərbaycanda hərbi qulluqçuların mənzil-məişət təminatı ilə bağlı ayrıca dövlət proqramının və qanunun, eləcə də xüsusi fondun yaradılmasına ehtiyac var.
Bunu açıqlamasında Milli Məclisin Təhlükəsizlik və müdafə komitəsinin üzvü Zahid Oruc deyib.
Azərbaycanda ali məktəblərin statusunda yenilik
19.02.2015 12:01
Azərbaycanda ali təhsil müəssisəsinə “Tədqiqat universiteti” statusu verilə bilər.
Milli Məclisdən verilən məlumata görə, “Elm haqqında” yeni qanun layihəsinə əsasən, ali təhsil müəssisəsinə “Tədqiqat universiteti” statusu müvafiq icra hakimiyyəti orqanının müəyyən etdiyi qaydada veriləcək.
Təqaüdçülərə şad xəbər!
18.02.2015 20:08
"Azərbaycanda pensiyaçılar ölkədə fəaliyyət göstərən bankomatlardan komissiya ödəmədən pensiyalarını çıxarda biləcəklər".
Bunu jurnalistlərə Dövlət Sosial Müdafiə Fondunun (DSMF) sədri Elman Mehdiyev "Caspian European Club"un təşkil etdiyi biznes-forum çərçivəsində deyib.
Ölkədə pensiya kartlarının emitenti Azərbaycan Beynəlxalq Bankı və "Kapital Bank"dır. Buna görə də pensiyaçılar yalnız həmin bankların bankomatlarından istifadə edərkən komissiya ödəməkdən azaddırlar.
Leyla Yunusun həbs müddəti artırıldı
18.02.2015 16:34
Qərar qəbul edib.
Bu gün Nəsimi Rayon Məhkəməsində həbsdə olan Sülh və Demokratiya İnstitutunun direktoru Leyla Yunusun barəsində seçilmiş həbs qətimkan tədbirinin müddətinin uzadılması barədə istintaq orqanın verdiyi təqdimata baxılıb.
Ölkə.Az xəbər verir ki, bu barədə apa-ya məlumat verən vəkil Elçin Qəmbərov bildirib ki, məhkəmə L.Yunusun barəsində seçilmiş həbs qətimkan tədbirinin müddətinin 5 ay uzadılması barədə qərar qəbul edib.
İstanbul-Bakı aviareysi təxirə salındı
18.02.2015 16:04
Türk Hava Yolları" aviaşirkəti İstanbul-Bakı marşrutu üzrə reysi təxirə salıb.
Bu barədə Heydər Əliyev Beynəlxalq Hava Limanından bildirilib.
Aeroportdan deyiblər ki, İstanbuldan saat 13:20-də icra edilməli olan reys təxirə salınıb. Həmin reyslə uçmalı olan sərnişinlər isə saat 19:40-da Bakıya başqa təyyarə ilə gələcəklər.
Hələlik axşam reysinin ləğv edilməsi ilə bağlı məlumat yoxdur.
Azərbaycanlı milyarder Türkiyəni ayağa qaldırdı
18.02.2015 14:10
Azərbaycanlı milyarderdən həyat dərsi
Ölkə.Az-ın Sportarena.az-a istinadən verdiyi məlumata görə, azərbaycanlı milyarder, "Xəzər Lənkəran"ın fəxri prezidenti Mübariz Mənsimov bu gün Türkiyədə əsas müzakirə mövzularından birinə çevrilib. Səbəbi isə restoranların birində yaşanan olay olub.
Belə ki, tanınmış iş adamı restoranda nahar edərkən yoxsul geyimli, halsız bir qadının restorana girdiyini, işçilərin isə onu çıxartdığını görür. İnzibatçıdan nə baş verdiyini soruşur. Müəssisənin işçisi qadının yemək istədiyini, lakin bura zəngin ailələr üçün olduğundan onu qapıdan uzaqlaşdırdığını bildirir. Mənsimovun ona verdiyi cavab isə hər kəsdə maraq qarışıq heyrət doğurur:
"Restoranda oturan hər kəsi çıxar bayıra, onlar burda yemək yeməsələr də, onsuz gedib başqa restoranda yeyəcəklər, o qadın isə yox. O qadını al içəri, süfrəni doldur yeməklərlə, axşamını da ver. Özünə də tapşır, hər gün gəlsin, yeməyini yesin rahat-rahat".
Azərbaycanlı milyarderin bu hərəkəti hər kəs tərəfindən rəğbətlə qarşılanıb.
Prezident tənqid etdi, nazirlik işə başladı
17.02.2015 16:27
Əkinə yararlı torpaqların istifadəsi ilə bağlı yeni tədbirlər planı təqdim olunacaq.
Ölkə.Az anstv-yə istinadən xəbər verir ki, dövlət başçısının torpaqların istidfaəsiz qalması ilə bağlı səsləndyirdi son iradlardan sonra Kənd Təsərüfatı Nazirlyi bu sahədə nöqsanların aradan qaldırılması üçün işlərə başlayıb və artıq təklfilər paketi hazırlayıb.
Yaxın günlərdə bu təkliflər hökumətə təqdim olunucaq. Bu barədə məlumat verən kənd təsərrüfatı nazirinin müavini Seyfəddin Talıbov istifadəsiz qalan torpaqalardan əlavə vergi tutlması ilə bağlı təkliflərə də münasibət bildirib.
Zakir Qaralovun əmri narazılıq yaratdı
17.02.2015 12:26
Baş prokuror Zakir Qaralovun prokurorluq işçilərinin imtahan edilməsilə bağlı əmri narazılıq yaradıb.
Ölkə.Az xəbər verir ki, bu barədə “Azadlıq” qəzeti xəbər yayıb. Bu barədə redaksiyaya daxil olan məlumatda deyilir ki, prokurorluq işçiləri üçün 5 ildən bir attestasiya nəzərdə tutulur. Lakin bundan əlavə prokurorlar iki ildən bir test imtahanı verməlidir. Məlumatda deyilir ki, test imtahanın vaxtı yay aylarına təsadüf etsə də, Zakir Qaralovun əmri ilə qabağa çəkilərək mart ayına salınıb. İmtahan vaxtının qabağa çəkilməsi izah olunmasa da, ehtimal edilir ki, bu, olimpiya oyunları ilə bağlıdır.
Azərbaycan əhalisinin sayı açıqlandı
17.02.2015 11:41
Ötən il ərzində Azərbaycan əhalisinin sayı 115,9 min nəfər və ya 1,2 faiz artıb.
Dövlət Statistika Komitəsindən verilən məlumata görə, 2015-ci il yanvarın 1-nə olan məlumata əsasən, əhalinin sayı 9 593 min nəfərə çatıb. Əhalinin sıxlığı bir kvadrat kilometrə 111 nəfər olub.
2014-cü il ərzində əhalinin ümumi artımı əsasən təbii artım hesabına baş verib. Bununla yanaşı, miqrasiya artımı da müşahidə olunub və bu amil əhalinin ümumi artımının 0,9 faizini təşkil edib.
Hazırda hər 1000 nəfər kişiyə 1009 qadın düşür. Ümumi əhali arasında şəhər əhalisinin xüsusi çəkisi 53,1 faiz, kənd əhalisinin xüsusi çəkisi isə 46,9 faiz təşkil edir. Əhalinin 49,8 faizi kişilər, 50,2 faizi qadınlardır.
Prezident yanğın haqqında qanunda dəyişiklik etdi
16.02.2015 20:14
Azərbaycan Prezidenti İlham Əliyev “Yanğın təhlükəsizliyi haqqında” Azərbaycan Respublikasının Qanununda dəyişikliklər edilməsi barədə qanunun tətbiqi haqqında sərəncam imzalayıb.
Qanunda edilən dəyişikliklərə əsasən, yanğından sığortalama könüllü, həmçinin daşınmaz əmlakın icbari sığortası və daşınmaz əmlakın istismarı ilə bağlı mülki məsuliyyətin icbari sığortası növlərinin tərkibində icbari qaydada həyata keçirilir. Daşınmaz əmlakın, həmçinin daşınmaz əmlakın istismarı ilə bağlı mülki məsuliyyətin icbari qaydada sığortalanması “İcbari sığortalar haqqında” Azərbaycan Respublikasının Qanununa uyğun olaraq aparılır.
7 yaşlı İlhamə üçün xeyriyyə aksiyası baş tutdu
16.02.2015 13:23
Fevral ayının 14-15-i Park Bulvar Ticarət Mərkəzində anadangəlmə irsi qan - betta talassemiya xəstəliyindən əziyyət çəkən İlhamə Nağızadəyə dəstək məqsədiylə xeyriyyə aksiyası keçirilib.
Aksiyada millət vəkilləri, tanınmış sənətçilər, incəsənət xadimləri, KİV rəhbərləri, QHT sədrləri, fəal gənclər iştirak ediblər. Onlar İlhaməyə dəstək üçün çağırış ediblər.
Aksiya səhər saat 10-dan axşam saat 10-a qədər davam edib və aksiyada minə yaxın insan iştirak edib, onlar İlhamənin xəstəliyi haqda məlumat verilib, bukletler paylanılıb, simvolik
əşyaların satışı həyata keçirilib.
"Bakı Taksi" MMC *9000 taksi sifarişi xidmətini yenilədi
16.02.2015 10:56
Bakıda şəhər sakinləri və qonaqların rahatlığını təmin etmək məqsədilə tam yeni müştəri xidmətləri sistemi istifadəyə verilib.
Belə ki, "Bakı Taksi" MMC-nin taksilərinin yerinin təyin olunması üçün onlar GPS qurğularla təmin edilib.
Bu qurguların vasitəsilə yeni sistem avtomatik şəkildə sifariş olunan ünvana ən yaxın taksini sifarişin icrasına yönəldir.
Bu gündən rezidenturaya sənəd qəbulu başlanılır
16.02.2015 09:00
Azərbaycanda bu gündən rezidentura səviyyəsinə keçiriləcək qəbul imtahanında iştirak etmək üçün namizədlərin ərizələrinin qəbuluna başlanılıb.
Tələbə Qəbulu üzrə Dövlət Komissiyasından Ölkə.Az-a verilən məlumata görə, ərizə qəbulu internet vasitəsi ilə fevralın 16-dan 23-dək aparılacaq.
Ölkə.az
