Bakının yolları uzanıb

Bakı şəhərində xidmət göstərilən yollar, prospekt və küçələrin uzunluğu 2007-ci ildə 1500 km təşkil edirdisə, 2014-cü ildə bu göstərici 1580 km-ə çatdırılıb.

“Azəryolservis” ASC-dən Ölkə.Az-a daxil olan məlumatda bildirilir ki, 2006-2013-cü illər ərzində Bakı şəhərində yeni tikilən, yenidən qurulan və təmir olunan yolların uzunluğu 758,3 km olub. 

Genişmiqyaslı tikinti və yenidənqurma işləri kəskin nəqliyyat tıxaclarını aradan qaldıraraq avtomobillərin maneəsiz və təhlükəsiz hərəkətinə şərait yaradıb.

Xatırladaq ki, keçən il Azərbaycanın yol infrastrukturuna 2,5 milyard manatlıq sərmayə yatırılıb. ANS PRESS-in məlumatına görə, bunu "Yol infrastukturunun tikintisi və yenidənqurmasında yeni texnologiyaların və innovasiyaların tətbiqi" konfransında çıxış edən nəqliyyat naziri Ziya Məmmədov deyib. 

Onun sözlərinə görə, bu məbləğin 1,9 milyard manatı avtomobil yollarının tikintisinə yönəldilib.

Ölkə.az