Xarici şirkət Qarabağ veteranını məhkəməyə verdi

Neft sənayesi sahələrində gerçəkləşdirilən bir sıra layihələrdə iştirak edən “Maersk” şirkəti Qarabağ müharibəsi iştirakçısı Sərvər Kərimovu 5 iş üzrə məhkəməyə verib. 

Bu barədə Neftçilərin Hüquqlarının Müdafiəsi Təşkilatının vəkili Azər Quliyev danışıb.

A.Quliyevin sözlərinə görə, Sərvər Kərimov həmin xarici şirkətdə çalışıb: “Lakin istehsalatda baş verən qəza nəticəsində xəsarət alıb və II qrup əlil olub. Şirkət Sərvər Kərimovla bağlı Bakı Apelyasiya Məhkəməsinə iki, Ali Məhkəməyə də iki iddia ərizəsi təqdim edib. Müxtəlif məzmunlu iddialara baxılıb və Sərvər Kərimovun xeyrinə qərar çıxarılıb. Sonuncu dəfə isə şirkət tərəfindən 1 saylı İnzibati İqtisad Məhkəməsinə müraciət olunub”.

A.Quliyev bildirir ki, şirkət S.Kərimovun əlillik dərəcəsinin ləğv olunmasını, ona müavinət verilməməsi və digər iddialar da irəli sürüb: “Şirkət müavinət ödəməkdən imtina edir. Halbuki istehsalat zədəsinə görə şirkət tərəfindən aylıq müavinət ödənilməlidir. Şirkət Azərbaycanın hesabına gəlir toplayır, amma yerli əməkdaşlarına dəymiş zərəri ödəmir. Xarici ölkələrdə isə torpaq uğrunda döyüşən insanlara qarşı bu cür ədalətsizlik edən şirkətlər ictimai qınağa tuş gəlirlər. Azərbaycanın neft sektorunda isə Qarabağ əlilləri və veteranları ilk növbədə ixtisara salınırlar”. (virtualaz.org)

Ölkə.Az