Şəmkirdə Heydər Əliyev Mərkəzinin təşkilatçılığı ilə soyqırım qurbanları anılıb

Mərasim iştirakçıları Ağcakənd qəsəbəsində Xocalı soyqırım qurbanlarının şərəfinə ucaldılmış abidəni ziyarət edərək əklil qoyublar.

Ölkə.Az xəbər verir ki, "Qarabağa azadlıq, Xocalıya ədalət" kampaniyası çərçivəsində Şəmkir Heydər Əliyev Mərkəzinin təşkilatçılığı ilə Xocalıdan olan məcburi köçkünlər üçün salınmış Ağcakənd qəsəbəsindəsoyqırım qurbanlarının xatirəsinin anma mərasimi keçirilmişdir. Mərasimdə Şəmkir rayon İH-nin, Şəmkir Heydər Əliyev Mərkəzinin, Şəmkir rayon Mədəniyyət və Turizm şöbəsinin, Şəmkir Rayon Gənclər və İdman İdarəsinin, Şəmkir rayon Təhsil şöbəsinin və müxtəlif təşkilatların nümayəndələri, M.Füzuli adına məktəbin kollektivi iştirak edib.

Öncə mərasim iştirakçıları Ağcakənd qəsəbəsində Xocalı soyqırım qurbanlarının şərəfinə ucaldılmış abidəni ziyarət edərək əklil qoyublar. Anma mərasimi xocalı İcra Hakimiyyətinin iclas zalında davam edib. Xocalı soyqırım qurbanlarının xatirəsi bir dəqiqəlik sükutla yad edilib. Tədbirdə Şəmkir Heydər Əliyev Mərkəzinin direktoru Məleykə Əlizadə çıxış edərək, 23 il bundan öncə Xocalıda həyata keçirilən soyqırım qurbanlarının xatirəsini bir daha ehtiramla yad edib və bildirib ki, Xocalıda baş verənlər bütün Azərbaycan xalqının yaddaşında kitaba dönüb.

Şəmkir şəhər M.Füzuli adına məktəbin direktoru Rahilə Qurbanova çıxış edərək Qələbə gününün birgə qeyd edilməsini bildirdi. Daha sonra Xocalı rayon İcra Hakimiyyətinin başcısın müavini Vahid Əliyev, Xocalı rayon İcra Hakimiyyətinin başcısın müavini, İctimai-siyasi və humanitar məsələlər üzrə şöbə müdiri Lamiyə Qarayeva, Xocalı rayon Təhsil Şöbəsinin baş məsləhətçisi Nəcəf Həsənov, Xocalı rayon Mədəniyyət və Turizm Şöbəsinin müdiri Göyüş Həsənov,Xocalı rayon Mədəniyyət və Turizm Şöbəsinin məsul işçisi Şükür Bəşirov və digərləri çıxış edərək Xocalı faciəsindən danışıb və Şəmkir rayon rəsmilərinə, ictimaiyyət nümayəndələrinə bu ağır günün il dönümündə onların yanında olduqları üçün təşəkkürünü bildiriblər. Çıxışlardan sonra şəmkir məktəbliləri tərəfindən hazırlanmış və Xocalı soyqırımına həsr edilmiş səhnələr göstərilib, şeirlər oxunub, Şəmkir “Zəka” GİM gənclərinin Xocalıya həsr etdikləri rəsm əsərləri nümayiş olunub.
Qeyd edək ki, "Qarabağa azadlıq, Xocalıya ədalət" kampaniyası çərçivəsində keçiriləcək anma tədbirinin əsas məqsədi Xocalıda baş verən dəhşətli hadisələri yenidən xatırlamaq, dünya ictimaiyyətinin, Azərbaycanda fəaliyyət göstərən beynəlxalq təşkilatların diqqətini bir daha Xocalı həqiqətlərinə, bu böyük qətliamın beynəlxalq miqyasda soyqırım statusu almasının zəruriliyinə cəlb etmək idi.