Ekspert: "Belə bir sistemin yaradılması informasiya münasibətlərində yeni başlanğıc ola bilər"

"Bu Azərbaycanda informasiya münasibətlərinin daha yüksək şəkildə həyata keçirilməsinə şərait yaradacaq"

"Bu Azərbaycanda daxili internet infrastrukturun daha optimallaşdırılması, informasiya əlaqələrinin provoyderlər arasında əlaqələrin daha da gücləndirilməsi məqsədi daşıyır".

Bu sözləri Ölkə.az-a danışan "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz Rabitə və Yüksək Texnologiyalar Nazirliyinin Məlumat Hesablama Mərkəzi “Azdatakom” şəbəkəsinin texniki resurslarını hazırda ölkəmizdə fəaliyyət göstərən 30-dan çox internet provayderə təqdim edərək daxili internet şəbəkəsi yaradılması təklifini şərh edərkən deyib.

"Burada söhbət provayderlərarası mövcud informasiya trafikini daha da optimallaşdırmaqdan gedir. Belə bir sistemin yaradılması informasiya münasibətlərində yeni başlanğıc ola bilər.

Ona görə, düşünürəm ki, bu Azərbaycanda informasiya münasibətlərinin daha yüksək şəkildə həyata keçirilməsinə şərait yaradacaq".

Qeyd edək ki, Rabitə və Yüksək Texnologiyalar Nazirliyinin Məlumat Hesablama Mərkəzi daxili internet şəbəkəsi yaratmağı təklif edib.

Fatimə İbrahimova
Ölkə.az