Bakıda nəqliyyatın hərəkətinin ən sıx olduğu küçə açıqlandı

Tbilisi prospektində 49 mindən çox avtomobil qeydə alınıb.

Nəqliyyat Nazirliyinin Nəqliyyatı İntellektual İdarəetmə Mərkəzi fevral ayı ərzində Bakı şəhərində küçə və prospektlərində qeydə alınmış nəqliyyat vasitələrinin sayı və orta sürəti haqda statistikanı açıqlayıb.

Fevral ayı ərzində ən çox nəqliyyat vasitələrinin sayı Heydər Əliyev pr. (şəhər ist.) qeydə alınıb - 65 496 avtomobil, prospektdə orta sürət 70,52 kms təşkil edib.

Ay ərzində Neftçilər prospektində 64 009 nəqliyyat vasitələri qeydə alınıb, orta sürət 51,12 kms təşkil edib. Tbilisi pr. (20 Yanvar ist.) 49 540 avtomobili qeydə alınıb, orta sürət 38,54 kms təşkil edib.

Statiskiya görə, ən az 7 201 nəqliyyat vasitəsi Əziz Əliyev küçəsində qeydə alınıb, orta sürət 25,91 51,12 kms təşkil edib.

Küçə və prospekt	Sürət (km)	Say
Həsənoğlu küç. (Fətəli Xan Xoyski pr ist.)	41,19	10749
Fətəli Xan Xoyski pr. (Koroğlu Rəhimov küç ist.)	37.51	26422
Moskva pr. (Sumqayıt şəh ist.)	64,28	42777
Mətbuat pr. (Badamdar qəsəbəsi ist.)	29,92	18271
Rəşid Behbudov küç.	28,78	48385
Səməd Vurğun küç. (Zərifə Əiyeva küç ist.)	34,43	21395
Tbilisi pr. (20 Yanvar ist.)	38,54	49540
Zərifə Əliyeva küç.	41,22	36558
Babək pr . (Şəhər ist.)	47,39	37938
Afiyəddin Cəlilov küç.	45,94	21524
A.Bakıxanov küç. (Türkiyə Səfirliyi ist.)	46,13	40958
28 May küç.	33,76	21786
Əziz Əliyev küç.	25,91	7201
Azadlıq pr. (Binəqədi şos ist.)	31,96	33387
Koroğlu Rəhimov küç. (Prezident iqamətgahı ist.)	45,17	24060
Heydər Əliyev pr. (Şəhər ist.)	70,52	65496
Neftçilər pr.	51,12	64009