Ekspert: "Papaq hərbi geyimin atributlarıdan biridir"

Müdafiə nazirinin 24 dekabr 2014-cü il tarixli Qərarı ilə qüvvəyə minmiş Sıra Nizamnaməsinə əsasən əsgəri salamı başıaçıq da verməyə icazə verilir.

Bu qərarı hərbi ekspert Üzeyir Cəfərov Ölkə.Az-a şərh edib.

Üzeyir Cəfərov: "Papaqsız hərbi salam vermə qərarının nədən qaynaqlandığını bu qərarı verənlər açıqlamalıdır. Ümumi qayda var, əgər nə isə yenilik tətbiq olunursa, əvvəl o yenilik müzakirə olunur sonra isə onunla bağlı qərar qəbul olunur. Müdafiə nazirliyinin yeni rəhbərliyi 2013-cü ilin oktiyabr ayında kəmərlərlə bağlı qərar qəbul etdi. O məsələ yarımçıq qaldı. Yarımçıq o mənada ki, kəmərlə bağlı qərar özü ilə bağlı çoxlu suallar gətirdi. Zabitlər tabel silahlarını necə gəzdirəcəklər? Bu məsələlər necə tənzimlənəcək? İndi də papaqsız hərbi salam vermə məsələsi ortaya çıxdı. Bunun cəmiyyətə bir açıqlaması olmalıdır. Papaq hərbi geymin atributlarıdan biridir. Belə çıxır ki, kimin kefi necə istəsə, papağı o formada gəzdirəcək. Bununla bağlı xoşa gəlimyən mənzərə yarana bilər.

NATO ordularında papaqsız salamlaşma qəbul olunub, amma buna bəzi hallarda icazə verilir. Ona qalsa papağa heç ehtiyyac da yoxdur. Qərar qəbul olunub, ancaq qərar qəbul edən şəxslər bununla bağlı ictimayyətə açıqlama verməlidirlər.

"Xırda Çapayevlər" bəzən çox maraqlı qərarlar qəbul edirlər, ancaq bunu cəmiyyətə izah etməyə nədənsə lüzum görmürlər. Hərbi, nizam intizamı sevir və eyni qayda və eyni üsulla idarə olunmalıdır.

Bir neçə gün öncə hərbi prokurorla müdafiə nazirinin müavini döyüş bölgəsinə gedib. Döyüş aparan müdafiə nazirinin müavini tamam başqa geyimdə idi, hərbi prokror isə tamam başqa geyimdə. Əgər biz əsgərlər qarşısına çıxırıqsa nümunə olmalıyıq. Bu xüsusi ilə generallara aitdir. Onlar formanın daşınmasında ən xırda elementlərə də diqqət yetirməlidirlər.

Attila
Ölkə.Az