Hərbi ekspert: "Ermənistan ordusunda hərbi qanunlar deyil, həbsxanalarda olan oğru qanunları həyata keçirilir"
"Hazırda Emənistan ordusunda çox ciddi problemlər yaşanır. Orada hərbi qanunlar deyil, həbsxanalarda olan oğru qanunları həyata keçirilir".
Bu sözləri Ölkə.Az-a danışan hərbi ekspert Azad İsazadə deyib.
"Ermənistan əsgərləri illərdir yazılmamış qanunlara tabe olmaq məcburiyyətindədirlər. Məndə olan məlumata görə, erməni zabitləri yazılmamış oğru qanunları ilə mübarizə aparmaq istəsələr də, faktiki olaraq Ermənistan ordusunda qeyri-rəsmi ierarxiya yaranıb. İdarə olunan proseslər çox təhlükəli xarakter daşıyır. Bununla isə rəsmi orqanlar bacara bilmirlər. Bu Ermənistan ordusu üçün ən böyük problemlərdən biridir".
Qeyd edək ki, ordu vahid komandanlığa tabe olmalıdır. Məlumatlara görə isə Ermənistanda rəsmi komandanlıqla paralel qeyri-rəsmi strukturlar fəaliyyət göstərir.
Fatimə İbrahimova
Ölkə.Az
