Azərbaycan Ebola ilə mübarizəyə bir milyon dollar ayıracaq
“Hazırda biz məsləhətləşmələr aparırıq”.
Donor dövlət kimi Azərbaycan Qərbi Afrikada Ebola ilə mübarizəyə bir milyon dollar ayıracaq.
Bu barədə BMT-nin radiosuna Azərbaycanın Beynəlxaq İnkişaf Agentliyinin rəhbəri Əşrəf Şeyxəliyev deyib.
“Biz bu vəsaitin kimə ayrılacağını müəyyən etməyə çalışırıq. Çox güman ki, bu, Ebola ilə birgə mübarizə üzrə razılaşdırılrmış proqramı həyata keçirəcək BMT-nin iki strukturu olacaq. Biz bu vəsaiti hər hansı bir ölkəyə yönəltməyi məqsəd qoymuruq. Hazırda biz məsləhətləşmələr aparırıq və bu yardımın istifadə metodunu müəyyən edirik”, - o bildirib.
Bu gün Azərbaycanın Beynəlxaq İnkişaf Agentliyinin yardımını Afrika, Asiya və Latın Amerikasının təxminən 30 ölkəsi alır./oxu.az/
Ölkə.az
