Mətn ölçüsü:
  • 100%

Mehriban Zeynalova: "Qadınların icra başçısı, nazir olması ən böyük arzumuzdur"

Parlamentlərarası Birliyin 8 Mart - Qadınlar Günü ərəfəsində açıqladığı hesabatda bildirilir ki, son 20 ildə dünyada qadın parlamentarların sayı iki dəfə artıb.

Azərbaycanda qadınların dövlət orqanlarında necə təmsil olmasını Təmiz Qadın İctimai birliyinin sədri Mehriban Zeynalova Ölkə.Az-a şərh edib.

Mehriban Zeynalova: "Azərbaycanda da qadınların qərar qəbul etmədə ciddi şəkildə iştirak etməsi müşahidə edilir. Bu parlament, bələdiyyə və icra nümayəndəliklərində özünü göstərir. Ancaq hər hansı kvota çərçivəsində süni artımların əleyhinəyəm. Mən hesab edirəm ki, bacarıqlı qadınlar irəli keçməlidir və öz yerlərini tutmalıdır.

Bəzi hallarda qadınların özünü təqdimatında problemlər olduqda onlar irəli gedə bilmir. Onları digərləri əvəzləyir. Qadınların qərar qəbuletmədə işitrakı həm cəmiyyətdə balanslaşdırma, tolerantlıq, mərhəmətlilik kimi keyfiyyətlərin artmasınaə xidmət edir. Qadınların icra başçısı, nazir olması ən böyük arzumuzdur".

Attila
Ölkə.Az