Xədicə İsmayılovanın həbs müddəti artırıldı

Bu gün hazırda həbsdə olan jurnalist Xədicə İsmayılovanın cinayət işi üzrə növbəti məhkəmə prosesi keçirilib.

Bu barədə vəkil Fariz Namazlı məlumat yayıb.

Nəsimi rayon məhkəməsində keçirilən iclasda X.İsmayılovanın həbsdə saxlanma müddəti 24 may 2015-ci ilə qədər uzadılıb.

Qeyd edək ki, X.İsmayılova Cinayət Məcəlləsinin 125-ci (özünü öldürmə həddinə çatdırma) ittihamı ilə həbs edilib. Sonradan ona qarşı CM-nin179.3.2 (mənimsəmə və israf etmə- külli miqdarda törədildikdə),192.2.2 (qanunsuz sahibkarlıq), 213.1(vergi ödəməkdən yayınma) və 308.2-ci (vəzifə səlahiyyətlərindən sui istifadə) maddələri ilə yeni ittihamlar elan edilib.

Ölkə.Az