Mətn ölçüsü:
  • 100%

Firudin Cəlilov: "İdman dərsi deyən müəllimlər artıq meyvə satmağa başlayacaqlar"

"Azərbaycanın ali təhsil proqramlarından "Bədən tərbiyəsi" fənninin çıxarılmasının əleyhinəyəm"

"Mən hər zaman kiçik görünən, lakin heç də kiçik olmayan bu dərslərin təhsil proqramlarından çıxarılmasının əleyhinə olmuşam. Çünki bunun ancaq təhsil sisteminə zərəri var. Biz tam şəxsiyyət formalaşdırmalıyıq. Bu fənlər isə bir şəxsiyyətin formalaşmasında əhəmiyyətli paya sahibdir. Sırf buna görə Azərbaycanın ali təhsil proqramlarından "Bədən tərbiyəsi" fənninin çıxarılmasının əlehinəyəm".

Bu sözləri Ölkə.Az-a danışan keçmiş təhsil naziri Firudin Cəlilov idman dərsinin ləğv edilmə qərarını şərh edərkən deyib.

O, sözügedən fəndən dərs deyən müəllimlərin işsiz qalma ehtimalından da danışıb.

"Bu fəndən dərs deyən müəllimlərə gəlincə, bu qərar onların işsiz qalması ilə nəticələnəcək. Artıq heç bir dərs saatı olmayan müəllim özünə yeni iş axtarmaq məcburiyyətində qalacaq. İdman müəllimi kimya fənnindən dərs deyə bilmədiyinə görə, onlara daha çətin olacaq. Belə başa düşürəm ki, idman dərsi deyən müəllimlər artıq meyvə alverinə başlayacaqlar"

Qeyd edək ki, təhsil naziri Mikayıl Cabbarovun qərarı ilə Azərbaycanın ali təhsil proqramlarından "Bədən tərbiyəsi" fənni çıxarılıb.

Fatimə İbrahimova
Ölkə.az